Categories

اعلان

Loading…

د امریکا دفاع وزارت ته نوماند په افغانستان کې د زیاتو امریکايي پوځیانو ملاتړ کوي

تاند- د امریکا منتخب ولسمشر دونالد ټرمپ په داسي وخت کې په افغانستان کې د امریکايي ځواکونو پخوانی قوماندان جنرال جېمز ماتیس دفاع وزیر نومولی چې طالبانو د لومړي ځل لپاره سولې ته لېوالتیا ښکاره کړې ده.

جنرال ماتیس، چې په لېوني سپي مشهور دی، په تېرو کلونو کې په دې تاکید کړی چې په افغانستان کې دې د امریکايي پوځیانو شمېر ۲۰ زره وي او د جګړې برخلیک دې له پوځي لارو معلوم کړای شي.

نوموړي د امریکا په سمندري ځواک کې ۴۰ کاله کار کړی او د افغانستان او عراق په عملیاتو کې یې برخه اخیستې ده.

ماتیس په ۲۰۰۱ م کال د طالبانو د رژیم د پرزولو لپاره د کندوز په عملیاتو کې ګډون کړی و.

د ده له قوله ویل شوي چې د طالبانو له وژلو خوند اخلي.

۶۶ کلن ماتیس تر ۲۰۱۴ وړاندې ویلي و چې د ۲۰۱۴ م کال له پای ته رسېدو وروسته باید لږترلږه ۲۰ زره امریکايي پوځیان په افغانستان کې پاتې شي او که دا شمېر ممکن نه وي نو لږترلږه ۱۴ زره دې په افغانستان کې دېره وي.

جنرال ماتیس رویټرز خبري اژانس ته په یوه مرکه کې ویلي و چې په افغانستان کې امریکايي سلاکاران او خاص ځواکونه له محدودیتونو سره مخامخ دي. د ده اشاره د شپې عملیاتو او ښايي هغو بریدونو ته وه چې د افغان ځواکونو له همږغۍ پرته یې امریکايی پوخیان نه شي کولی.

څرګنده نه ده چې د جنرال ماتیس نظر بدل شوی او که اوس هم په افغانستان کې له پوځي لارې د شخړې پر حل باور لري خو دا مسله اوس له دې کبله د افغانانو لپاره زیاته مهمه ده چې طالبانو سولې ته د لېوالتیا نښې نښانې څرګندې کړي دي.

دې ډلې په وروستیو کې یو شمېر افغان سیاستوالو او مخورو ته ویلي و چې د جګړې بس کولو ته تیار دي خو د امریکايي پوځیانو د وتلو نېټه دې وټاکل شي، دا دې څرګنده شي چې څومره امریکايي پوځیان د خپلو دیپلوماتیکو مرکزونو د ساتنې لپاره پاتې کېږي او د افغانستان پر اساسي قانون دې بیا کتنه وشي.

په قطر کې د طالبانو استازو یو وار بیا تقریباً ورته خبرې یو شمېر خبریالانو او شنونکو ته کړي دي.

د امریکا د هر بل وزیر په شان د دفاع وزیر په توګه د ماتیس ټاکل کېدا د امریکا د سنا جرګې تایید ته اړتیا لري.

جنرال ماتیس له ایران سره د اتومي موافقې مخالفت هم کړی دی.

ده په ځلونو پر ایران نیوکې کړي دي.

340 total views, 1 views today

1 comment

  1. babrak Reply

    له دی خبرو داسی معلومیږی چی لیونی سپی په رښتیا لیونی دی ځکه جی دی هم تروریستان په افغانستان کی لټوی حال داچی فساد په پاکستان کی دی لیونی سپی دی ځان سړی کړی او د عسکرو په ځای دی پر پاکستان کمکونه ودروی او د خپلړ عسکرو ژوند دی خوندی کړی مه دی ځاندته غم ګوری او نه مونږ ته

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2