Categories

اعلان

Loading…

نن (جمعه) شېبه په شېبه خبرونه

سپینه ماڼۍ وايي چې ولسمشر بارک اوباما به د ایران د بندیزونو په اړه د کانګریس پرېکړه ویټو نه کړي بلکې توشیح به یې کړي.

ایران وايي چې د امریکا له لوري د بندیزونو تصویب کېدا له دغه هیواد سره د اتومي موافقې خلاف ده.


ولسمشر غني نن متحده عربي اماراتو ته لاړ چې په دغه هیواد کې د نړۍ له خطر سره مخامخ کلتوري میراثونو په کنفرانس کې ګډون وکړي.

دا کنفرانس سبا پرانستل کېږي او دوې ورځې دوام کوي.


په زابل ولایت کې د ماین په چاودنه کې ۳ خبریالان ژوبل شوي دي.

دا خبریالان شهرصفا ولسوالي ته تللي ول او د بېرته راستنېدو په مهال یې د موټر مخته ماین وچاودېده.

د هغوی ژوند ته جدي خطر نه دی پېښ.


د کندهار امنیتي چارواکي وايي چې د دغه ولایت په نېښ ولسوالي کې جګړه د طالبانو په ماتې پای ته رسېدلې ده.

په دې ولسوالي کې وسله والو طالبانو ۴ ورځې وړاندې جګړه پیل کړې وه.

ویل کېږي چې د جګړې په نتیجه کې ۲۳ ملکیان او ۲۹ ږسله وال طالبان وژل شوي دي.

د دولتي ځواکونو د تلفاتو دقیق شمېر نه دی اعلان شوی خو ویل شوي چې په ملکیانو کې ۵ ماشومان او دوې ښځې شاملې دي.

7 total views, 1 views today

Leave a Reply

Your email address will not be published. Required fields are marked *