Categories

اعلان

Loading…

اقتصادي خپلواکي څه شی ده؟/ محمدحامد اکبري

که څه هم اقتصادي خپلواکي د خپل ذات له مخې يوه ساده کلمه ده،ليکن په حقيقت کې د دې کلمې تر شا د هېوادونو د پرمختګ او ځواکمنتيا راز پټ دی،هغه هېوادونه چې له اقتصادي خپلواکۍ برخمن وي په سياسي ډول هم د نورو هېوادونو په نسبت غښتلي وي اوکولی شي د خپلو سياسي پرېکړو پر بنسټ نور هېوادونه تر خپلې اغېزې لاندې راولي؛اوس نو پوښتنه داده چې اقتصادي خپلواکي څه شی ده؟

هغه مهال چې هېوادونه له خپلو اقتصادي سرچينو څخه مناسبه او پر ځای ګټه واخلي،د کانونو،کرهڼې،صنعت او نورو اقتصادي سکتورونو د پرمختيا لپاره لاس په کار شي او په دې برخو کې کاري فرصتونه برابر کړي،طبيعي ده چې داسې هېوادونه په اقتصادي برخه کې پر ځان بسيا کيږي او دا حالت چې يو هېواد له اقتصادي اړخه پر ځان بسيا شي د اقتصادي خپلواکۍ څرګندونه کوي.

هغه مهال چې هېوادونه له اقتصادي اړخه پر ځان بسيا شي،نو کولی شي خپلې ټولې اړتياوې او غوښتنې په خپله مرفوع کړي او په دې برخه کې پر نورو هېوادونو ډډه نه لګوي خو يواځې په ځانګړو حالاتو کې په بهرنيو هيوادونو تکيه کوي.

له اقتصادي اړخه خپلواک هېوادونه تل له نورو هېوادونو سره غښتلې اقتصادي او سياسي اړيکې پالي او په ډېره منظمه توګه اقتصادي او سياسي ګامونه پورته کوي.

اقتصادي خپلواکي په هر اړخيز ډول د وګړو په ژوند کې د تدريجي پر مختګ سره مرسته کوي او په ټوليزه توګه د ولسونو د ژوند د ښه والي او پرمختګ سبب ګرځي.

که څه هم زموږ ګران هېواد افغانستان د تېرو څو لسيزو جګړو په پايله کې په بېلابېلو برخو کې درانه او نه جبرانيدونکي زيانونه وليدل چې دا هېواد يې د پر مختللو هېوادونو له ډلې په شا کړ او په دې ډول تر ډېره له سياسي او اقتصادي خپلواکۍ څخه په واټن کې پاتې شو،خو په ډاډ سره ويلی شم چې دا هېواد د ټولې آسيا په کچه د غوره اقتصادي موقيعت او پرېمانه اقتصادي سرچينو د شتون له مخې تر ټولو بډای هېواد ګڼل کيږي،کوم چې په ډېره آسانۍ کولی شي په اقتصادي برخه کې پر ځان بسيا شي او روښانه راتلونکې ولري.

اقتصادي خپلواکۍ ته د رسېدو لپاره د حکومتونو له لوري د منظمو اقتصادي کړنلارو او اوږدمهاله او منځمهاله پلانونو جوړول او پلي کول اړين دي،حکومت بايد له فساد او درغليو څخه په تشه فضا کې د لويو،منځنيو او کوچنيو اقتصادي پروژو پلي کېدو ته را ودانګي او په دې برخه کې د بهرنيو او کورنيو پانګونو لمن پراخه کړي، د کانونو د راسپړلو، د کرهڼې او صنعت د پراختيا او غوړېدو لپاره فرصتونه رامنځ ته کول اقتصادي خپلواکۍ ته لاره برابروي،د کاني زېرمو او کرهڼيزو فرصتونو د شتون له مخې د افغانستان په شان غني هېوادونه کولی شي چې په لنډ مهال کې د زياتو اقتصادي پرمختګونو شاهد واوسي او اقتصادي خپلواکي تر لاسه کړي.

699 total views, 4 views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2