Categories

اعلان

Loading…

طالبانو په کابل کې د باقرالعلوم جومات حمله وغندله

تاند- وسله والو طالبانو نن په یوه اعلامیه کې وویل چې د کابل په نننۍ حمله کې لاس نه لري او دا برید په کلکه غندي.

د وروستیو راپورونو له مخې په کابل کې د شیعه ګانو په باقرالعلوم جومات کې چاودنې ۲۷ تنه وژلي او ۳۵ نور ژوبل کړي دي. ځینو سرچینو د وژل شویو کسانو شمېر ۴۵ تنه ښودلی دی.

وسله والو طالبانو د دې برید د غندلو ترڅنګ ویلي چې دوی پکې هیڅ راز لاس نه لري.

طالبانو تر دې وړاندې په زابل کې د هزاره ګانو برمته کېدا، په کابل ښار کې د روښنايي غورځنګ د مظاهرې په ترڅ کې انتحاري بریدونه او همداراز په سخي مینه کې د عاشورا پر مراسمو برید غندلی او د طالبانو لاس لرل یې پکې په کلکه رد کړی و.

د روښنايي غورځنګ او سخي مېنې د حملو مسوولیت داعش په غاړه واخیست. دې ډلې د کابل د پُل محمود خان د وروستۍ حملې مسوولیت هم منلی دی.

9 total views, 1 views today

1 comment

  1. jamal Reply

    de har ensaan wajal loya gonaah da .
    talib tanhaa aw tanhaa pashton wazjane ta zoor warkarrai da .aw bala khwaa pashton de talib po nom ttakawe aw zape ye.

Leave a Reply to jamal Cancel reply

Your email address will not be published. Required fields are marked *