Categories

اعلان

Loading…

امریکا په افغانستان کې پر ۲ ودانیو ۸۵م ډالره لګولي خو د اوسېدو نه دي

تاند- د امریکا یوې څارونکې ادارې په یوه لیک کې، چې نن /پنجشنبه/ خپور شو، ویلي چې د متحدو ایالتونو فدرالي ادارې په افغانستان کې د یوه پنځه ستوریز هوټل او یوه اپارتمان پر دوو ودانیو ظاهراً ۸۵ ملیون ډالره لګولي خو له دې مصرف سره سره دا ودانۍ د اوسېدو نه دي.

د افغانستان د بیارغونې لپاره د امریکا خاص سرمفتش جان سوپکو په یوه لیک کې ویلي، (OPIC) کمپنۍ، چې له امریکا دباندې پروژې اجرا کوي، په کابل کې د امریکا د سفارت په کوڅه کې د یوه هوټل او یوه اپارتمان د جوړولو لپاره ۸۵ ملیون ډالره اخیستي، خو تراوسه پوري نه هوټل او نه هم اپارتمانونه بشپړ شوي او اوس داسي ښکاري چې په دا دواړه ودانۍ د مخروبې په شان په خپله مخه پرېښودل شوي دي.

ډېر افغان چارواکي په فساد کې، چې په نړۍ کې یې د افغانستان نوم د فاسدو هیوادونو د لیست سر ته خېژولی، د بهرنیانو زیات رول ویني. د امریکايانو لپاره د امریکایانو په لاس د هوټل او اپارتمان دا پروژه یې کېدای شي یوه بېلګه وي.

خاص سرمفتش وايي، دا چې د ۸۵ ملیون ډالرو له لګښت سره سره نه هوټل او نه اپارتمان تراوسه جوړ شوي او دواړه ودانۍ نیم کاره پرېښودل شوي، کېدای شی د فساد له کبله وي.

سرمفتش وايي، نه یوازې دا چې دا دوې ودانۍ جوړي شوي نه دي، بلکې د هغو د امنیت لپاره د امریکا سفارت له درو کلونو راهیسي اضافي لګښت هم کوي.

ټاکل شوې وه چې پنځه ستوریز هوټل او اپارتمان ۲۰۹ خونې ولري.

64 total views, 1 views today

1 comment

  1. amin amin Reply

    په فسادکىخو امريکايان له افغانانو کم نه دى دا اوډيرى داسىنورى پيسى خو امريکايانو حيف او ميل کړى.

Leave a Reply

Your email address will not be published. Required fields are marked *