Categories

اعلان

Loading…

نن (پنجشنبه) شنبه په شېبه خبرونه

پاکستان قبایلو ته خبرداری ورکړی چې له راتلونکې میلادي کاله افغانستان ته بې وېزې تګ راتګ ونه کړي.

خو افغانستان ویلي چې قابل افغانستان ته د تګ راتګ لپاره وېزې ته اړتیا نه لري.


د امریکا د بهرنیو چارو پخوانۍ وزیره او د ولسمشرۍ په وروستیو انتخاباتو کې د دیموکرات ګوند کاندیده هیلري کلنټن په واشنګټن کې وویل، د دونالد ټرمپ په وړاندې په انتخاباتو کې له ماتې وروسته یې زړه دومره مات شوی چې له کوره وتل خوند نه ورکوي.

دې همداراز وویل چې د امریکا ډېر خلک د انتخاباتو پایلو پریشان کړي دي.


د چین خبري اژانس سینهوا د افغان چارواکو په قول وايي چې په سرپُل ولایت کې د طالبانو د ځانبولي والي په شمول ۱۱ غړي وژل شوي دي.

د کورنیو چارو وزارت هم ویلي چې د سرپُل لپاره د طالبانو نومول شوی والي مولوي نجیب الله، چې ځان یې عطالله باله، له ۱۱ نورو طالبانو سره پرون /چهارشنبه/ د سرپُل ولایت مرکز ته نژدې د افغان امنیتي ځواکونو په برید کې ووژل شو.


پاکستان نن وویل چې په کابل کې پر افغان امنیتي ځواکونو حمله په کلکه غندي.

د پاکستان د بهرنیو چارو وزارت نن /پنجشنبه/ وویل چې پاکستان د کابل انتحاري حمله چې افغان امنیتي ځواکونه پکې ووژل شول، په کلکه غندي.

پرون افغان چارواکو وویل چې په پُل محمود خان سیمه کې په یوه انتحاري حمله کې ۴ تنه ملکیان ووژل شول او ۱۳ نور ژوبل شول.

وروسته د دې برید مسوولیت داعش یا اسلامي دولت ډلې په غاړه واخیست.


د امریکا د منتخب ولسمشر دونالد ټرمپ د سلاکارانو د جرګه ګۍ غړی شالاب کومار وايي، که د امریکا د کانګریس غړي د پاکستان پر ضد لایحه تصویب کړي ډونالډ ترمپ به یې تایید کړي او پاکستان به د تروریستي دولت په توګه وپېژندل شي.

ښاغلی کومار هندي الاصله امریکايي دی خو د ټرمپ په کمپ کې مهم سلاکار ګڼل کېږي.

دی وايي چې داسي یوه لایحه ترتیب شوې او که ترمپ کانګریس ته د هغې د تصویبولو اشاره وکړي، پاکستان به تروریستي دولت اعلان شي.


د زابل والي وايي، داعش په دغه ولایت کې فعالیت زیات کړی او په ځینو سیمو کې یې مرکزونه جوړ کړي دي.

د زابل والي بسم الله افغانمل همداراز وویل چې وسله والو طالبانو خپل یو شمېر مرکزونه داعشیانو ته سپارلي دي.

ده خبرداری ورکړ چې که سر له اوسه د داعش پر ضد په زابل کې امنیتي ځواکونه مجهز او غښتلي نه شي، ممکن وروسته د دې ډلې کنټرول د طالبانو په شان ناشونی شي.


د جرمني کابینې پرون /چهارشنبه/ په افغانستان کې د خپلو پوخیانو ماموریت د یوه بل کال لپاره تمدید کړ.

جرمني په افغانستان کې د غوڅ ملاتړ ماموریت په چوکاټ کې ۹۸۰ سرتېري لري چې په جګړه کې برخه نه اخلي او یوازې افغان امنیتي ځواکونه روزي.


د جرمني د کورنیو چارووزارت وویل، په دغه هیواد کې د ټولو افغان پناه غوښتونکو په سلو کې ۵ باید خپل هیواد ته بېرته لاړ شي.

د جرمني مطبوعاتو پرون د دغه هیواد د کورنیو چارووزارت دا پرېکړه اعلان کړه، ویې ویل چې دغه وزارت پتېیلې ده چې ۱۲ زره ۵۳۹ افغانان افغانستان ته ولېږي. (تفصیل)


د امریکا یوې څارونکې ادارې په یوه لیک کې، چې نن /پنجشنبه/ خپور شو، ویلي چې د متحدو ایالتونو فدرالي ادارې په افغانستان کې د یوه پنځه ستوریز هوټل او یوه اپارتمان پر دوو ودانیو ظاهراً ۸۵ ملیون ډالره لګولي خو له دې مصرف سره سره دا ودانۍ د اوسېدو نه دي. (تفصیل)


داعش یا د اسلامي دولت وسله والې تروریستي دلې د کابل د پرونۍ حملې مسوولیت ومانه.

د کابل په پرونۍ حمله کې ۶ تنه ووژل شول او ۱۴ نور ژوبل شول-


افغان ځواکونه به، چې حاضردمه په هوايي څارنه کې پر بهرنیو ځواکونو اتکا کوي، ژر په خپله د ډرون یا بې پېلوټه الوتکو په وسیله له استخباراتي او څارنیزو خدماتو برخمن شي.


اجرايي رييس عبدالله عبدالله نن د پاکستان د پارلمان او مدني ټولنې له یو شمېر غړیو سره په کتنه کې وویل، له تروریزم سره مبارزه د دواړو هیوادونو لپاره مهمه وبلله او له دې پدیدې سره په ګډه مبارزه یې تاکید وکاوه.

40 total views, 1 views today

Leave a Reply

Your email address will not be published. Required fields are marked *