Categories

اعلان

Loading…

امنیتي ځواکونه دي په ژمي کي هم د ترهګرو تحرکات په جدي ډول وڅاري

خبرپاڼه

نېټه: ١٣٩٥-٨-٢٦

کندهار، افغانستان- کندهار والي ډاکټر محمد همایون عزیزي د نظامي مجلس په نوبتي غونډه کي د امنیتي-دفاعي ځواکونو مسؤولینو ته لارښوونه وکړه چي په ژمي کي دي د جګړې له کمېدو سره-سره د ترهګرو تحرکات تر کلک څار لاندي وساتي او د امنیتي پوښښ بنسټونه او ساحه دي دومره پراخه کړي چي دښمن هیڅکله د بیا راپورته کېدو توان پیدا نه کړي.

ښاغلي عزیزي د خلکو او خاورې د ساتنې په برخه کي د امنیتي-دفاعي ځواکونو د ټولو غړو او رهبرۍ هڅې وستایلې او له دوی یې وغوښتل چي له خپل ولس سره د همکارۍ او روابطو په لا ډېرولو د امنیت ساتنې سپېڅلې دندې ته همداسي دوام ورکړي، ځکه په کندهار کي ډاډمن امنیت د ولس او امنیتي ځواکونو تر منځ د ښو اړیکو نتېجه ده.

د کندهار امنیه قومندان ډګرجنرال عبد الرازق اڅکزي وویل: ترهګر شپه او ورځ په دې لټه کي دي چي زموږ د خلکو ژوند ناارامه کړي او ویې ځوروي، خو امنیتي ځواکونو تل د دوی دا ناولي عزایم شنډ کړي او هغوی ته یې درانه تلفات رسولي دي. له نېکه مرغه اوسمهال له امنیتي ځواکونو سره د خلکو همکاري ډېره سوي او هره ورځ په لسګونو ځوانان د امنیتي ځواکونو له لیکو سره یو ځای کېږي چي باید موږ له خپلو امکاناتو په کار اخیستلو دا لړۍ نوره هم چټکه او پراخه کړو.

د ملي امنیت مرستیال په خپل اوپراتیفي راپور کي وویل چي په کندهار کي دښمن له هر ډول هڅو سره-سره په بشپړ ډول ماته خوړلې او هره هڅه یې شنډه سوې ده چي همدا تېره اونۍ د ملي امنیت د ادارې سرتېرو په ښار او ولسوالیو کي د ګډو او ځانګړو عملیاتو پر مهال ۲۱ تنه نیولي دي او په دې ترڅ کي یې ۴ ماینونه شنډ کړي، له هغوی څخه یې ۵ موټر سایکل، یوه مخابره، ۲ تومانچې، یو کلاشینکوف او ګڼې مرمۍ نیولي دي.

د سرحدي لوا مسئول وویل چي دوی د خپلو فعالیتونو پر مهال د وسایطو ضد ۱۱ ماینونه شنډ کړي او د نشيي توکو ۲ تنه قاچاقچان یې نولي دي. د سپین بودلدک په سرحدي کرښه کي د خلکو تګ-راتګ په عادي ډول دوام لري، د ټولو سرحدي ولسوالیو لاري خلاصي دي او د کندهار په نړیوال هوايي ډګر کي پروازونه له معمول سره سم جاري دي.

د دویمې او درېیمي لوا قومندانانو په خپلو راپورونو کي وویل چي د تېرو میاشتو پر مهال د بېلا-بېلو عملیاتو له کبله د ترهګرو د بریدونو توان له منځه تللی او ځیني وختونه په لویو لارو کي د ماینونو ښخولو هڅې کوي چي په دې لړ کي تېره اونۍ ۲۲ کړۍ ماینونه کشف او خنثی سوي دي.  

295 total views, no views today

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

استقلال | استاد عبدالله ويديال

دا لیکنه مې د هېواد د استقلال د (۱۰۰) مې کلیزې، یوې نمانځغونډې ته د وینا یوه برخه وه. د…

استقلال | استاد عبدالله ويديال

20 Oct 2019 خپلواکي مقالې تاند No comments

نور

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور
  • 1
  • 2