Categories

اعلان

Loading…

د مينې ځنځير/ ژباړه: وږمه وردک

ليكوال: جك كانفېلد

يوه ورځ اسمېت وروسته تر غرمې له كاره د كور پر لور روان و، په لاره يې يوه زړه ښځه وليده چې موټر يې خراب شوى او ډارېدلې په واورو كې ولاړه ده.

ښځې لاس وښوروو څو موټر ورته ودروي. اسمېت را ښكته شو، ځان يې معرفي كړ او ويې ويل: زه راغلم چې مرسته درسره وكړم.

ښځې وويل: په سلهاوو موټرونه مې له مخې تېر شول، خو چا راته ونه دروو، دا ستا مهرباني ده چې مرستې ته مې راغلې.

كله چې اسمېت موټر جوړ كړ، نو تللو ته تيار شو، ښځې ترې وپوښتل: زه څومره بايد دركړم؟ اسمېت وويل: تاسو پر ما هېڅ پور نه لرئ، زه هم له داسې حال سره مخ شوى يم، څنگه چې ما له تاسو سره مرسته وكړه، له ما سره هم يوه كس مرسته كړې وه؛ كه ته په رښتيا غواړې زما پور ادا كړې، نو بايد همدا مرسته له بل چا سره وكړې. مه پرېږده چې د مينې دا ځنځير پر تا ختم شي.

څو مايله وړاندې ښځې يو وړوكى هوټل وليد، ورغله چې يو څه وخوري او بېرته روانه شي، خو د هوټل د كاركوونكې خوږې موسكا يې پام ځانته واړوو، هغه له ډېرې ستړيا پر پښو نه شوى درېدى، د میندوارۍ اتمه مياشت يې وه.

زړه ښځه د كاركوونكې له ژونده نه وه خبره، شايد هېڅكله به خبره شوې هم نه وه. كله چې كاركوونكې لاړه څو پاتې سل ډالر راوړي، ښځه له هوټله وتلې وه، خو د مېز پر دسمال يې ياداشت پرې اېښى و. كاركوونكې چې ولوستو، نو سترگو كې يې اوښكې راټولې شوې؛ په ياداشت كې ليكل شوي وو: (تاسو پر ما هېڅ پور نه لرئ، زه هم له دې حال سره مخ شوې يم، څنگه چې ما له تاسو سره مرسته وكړه، له ما سره هم يوه كس مرسته كړې ده؛ كه ته په رښتيا غواړې زما پور ادا كړې، نو بايد همدا مرسته له بل چا سره وكړې. مه پرېږده چې د مينې دا ځنځير پر تا ختم شي).

په هماغه شپه چې كاركوونكې له كاره كورته لاړه، په داسې حال كې د زړې ښځې پر خبرو او پيسو يې فكر كوو، خپل خاوند ته يې وويل: اسمېته! د دواوو پيسې مې پيدا كړې، هر څه به سم شي، ته اندېښنه مه كوه.

373 total views, 1 views today

1 comment

  1. haqmal Reply

    له فارسی څخه ترجمه له ورایه معلومېوي ګني هیڅ پښتون انګلیسي نوم سمیت ته الف مه ورکوي

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2