Categories

اعلان

Loading…

سعودي عربستان په افغاني پاسپورنونو د افغانانو د وېزو اړولو کار پیل کړ

تاند- سعودي عربستان د هغو افغانانو، چې په پاکستاني پاسپورټونو دغه هیواد ته ورغلي، وېزې او اقامې د دوی افغاني پاسپورټونو ته اړوي.

دا په تېرو ۱۵ کلونو کې په سعودي کې د زرګونو هغو افغانانو غوښتنه وه چې په ناچارۍ یې په سعودي کې د کار لپاره پاکستاني پاسپورټونه اخیستي ول.

په ریاض کې د افغانستان سفارت وویل، چې افغانانو ته یې د افغاني پاسپورټونو توزیع پیل کړې څو له پاکستاني پاسپورټونو خپلې سعودي وېزې پرې راواړوي.

په افغاني پاسپورټونو د سعودي مېشتو افغانانو د وېزې انتقال به له افغانانو سره مرسته وکړي چې په ډاده زړه خپل هیواد ته تګ راتګ وکړي او د خپلو لاسونو په تڼاکو ګټلې پیسې د پاکستان په هوايي ډګرنو کې د پاکستان د فدرالي تحقیقاتي ادارې پولیسو ته په رشوت ورنه کړي.

په ریاض کې د افغانستان سفیر سید جلال کریم وویل چې سفارت د ورځې ۱۵۰ پاسپورټونه توزیع کوي.

اټکل کېږي چې نژدې ۸۰ زره افغان کارګر په پاکستاني پاسپورټونو سعودي عربستان ته تللي دي.

په سعودي عربستان کې مېشت افغان کارګر د افغانستان په اقتصاد کې مهم رول لري.

له سعودي عربستان څخه پخواني ولسمشر حامد کرزي او د هماغه وخت د بهرنیو چارو وزیر رنګین دادفر سپنتا هم څو ځلي غوښتنه کړې وه چې د افغانانو دا ستونزه حل کړي خو د سعودي عربستان او افغانستان اړیکې پخوا ډېرې نژدې نه وې.

سعودي ته د ولسمشر غني د پر له پسې سفرونو په نتیجه کې د افغانستان په وړاندې د سعودیانو په دریځ کې خورا بدلون راغی او ریاض ته د اجرايي رييس عبدالله عبدالله په وروستي سفر کې سعودي چارواکو د افغانستان دا غوښتنه ومنله.

په سعودي عربستان کې افغان مسافر وايي چې د افغانستان سفیر سیدجلال هم په دې برخه کې ځانګړې توجه کړې او دوی یې ستاینه کوي.

100 total views, 1 views today

3 comments

  1. مبین مسرور Reply

    زما په خیال وس کوم حاجت نه ورته لری
    یو متل دی
    چی په واده راپه کار نه شی
    ده کور د سره دی غله یوسه لاونګین
    وس افغانان وائی چی په سعودی کی وس هغه کارونه نشته چی پوخا ول
    په شمول زما د خپل وانو چی وس بیرته راروان دی

  2. احمد بشیر Reply

    ملګرو ته د پام وړ ټیکی
    هغه دا چی سعودی هیواد زمونږ د ولسمشر سره دا خبره منلی وه چی پو سعودی کی افغان میشتو وګړو ته دی خامخا به ویزه پو افغنی پاسپورت ورکوی . نه د عبدالله سره ، دا نو یو تصادف وو چی د عبدالله د تک سره دا خبره یا دا لړی پیل شوه . نو ځکه د ګران هیواد محترمو او معززو لیکوالانو نه هیله ده چی داسی مهم تیکوته دی پام وکړی . بو درنښت .

  3. سيد حبيب الله "شفق" Reply

    الحمد لله الذي بنعمته تتم الصالحات
    زما دتجربې له مخې دا وايم چه دسعودي حکمومت مسئولين مسلمان او زړه سوانده انسانان دي که دوي ته دافغانانو مشکلات په پوره او کامله توګه څوکاله مخکې بيان شوي واي او دحل معقولې لارې هم ورته وړاندې شوې واي دوي به همغه وخت په دې کار موافقه کړې وه
    اوس څه ښاغلي سيد جلال کريم دافغانانو په مشکلاتو دوي پوره خبر کړل دوي هم فورا موافقه وکړه

Leave a Reply

Your email address will not be published. Required fields are marked *