Categories

اعلان

Loading…

مرستیال اجرايي رييس پر حرمینو د حوثیانو توغندويي برید وغانده

د حرَمَينو په لوري د حوثيانو له خوا د توغول شويو توغـنديو د غنـدنې په اړه د اجرائيه رياست لومړي مرستيال انجينير محمد خان پيغام

تاريخ: ۱۱ ميزان ا ۱۳۹۵

کابل، افغانستان:  په کابل کې د دوست هېواد سعودي عربستان د سفارت د مطبوعاتي اعلاميې مطابق، په يمن کې د حوثي مليشو له خوا د مسلمانانو قبلې او تر ټولو مقدس مقام د مکّې مکرَّمې په لوري توغندي توغول شوي چې هدف ته تر رسېدو مخکې د سعودي ځواکونو له خوا په هوا کې له منځه يوړل شول.

د افغانستان د ملي یوالي حکومت د اجرائيه رياست لومړی معاونيت د حوثي مليشو دغه کرغېړن او قبيح جنايت په کلکو ټکو غندلو تر څنګ له نړيوالو او په ځانګړي توګه له اسلامي هېوادونو څخه هم غواړي چې د دې ستر او قبيح جنايت د غندنې په اړه خپل جدي غبرګون ښکاره کړي.

دا چې د يمني حوثي مليشو له خوا توغول شوي توغندي د سعودي ځواکونو له خوا خپل شوم هدف ته تر رسېدو مخکې خنثی کړای شول؛ د دوست هېواد د امنيتي ځواکونو څخه مننه کوو چې په مهارت او بيدارۍ يې د اسلامي نړۍ معنوي او روحاني مقام څخه ساتنه وکړه او له دې لارې يې د مليونونو مسلمانانو ديني احساساتو د ژوبلولو مخه ونيوله.

د نړۍ هر هغه څوک چې حرَمَينو ته د نقصان رسولو سپکه اراده لري؛ بايد په دې پوه وي چې د افغانانو په ګډون د نړۍ ټول مسلمانان به يې پر وړاندې د سرونو په بيه دفاع وکړي.

په دې هيله چې د نړۍ ټول مسلمانان د حرمَيَنو هر دښمن ته په يووالي او همغږۍ سره غاښ ماتوونکی ځواب ورکړي.

انجينير محمدخان
د اجرائيه رياست لومړی مرستيال

48 total views, 1 views today

Leave a Reply

Your email address will not be published. Required fields are marked *