Categories

اعلان

Loading…

دوه ژورنالیستان یما شېرزاد او ناصر غفوري په ترافیکي پېښه کې مړه شول

تاند- یوې ترافیکي پېښې په کندوز کې د بي بي سي له افغان خبریال احمد یما شېرزاد او د کندوز د ملي تلویزیون د تخنیک امر محمد ناصر غفوري څخه ژوند واخیست.

د دوی جنازې به نن خاورو ته وسپارل شي.

دا پېښه په پلخمري کې تېر ماښام هغه مهال وشوه چې دوی په خپل موټر کې له کابله کندوز ته روان ول.

ویل شوي چې یما د پېښې په ځای کې سا ورکړه خو غفوري په ټپي حالت کې تر روغتونه ورسول شو او همالته یې سا پرې کړه.

بي بي سي وايي، یما شېرزاد له لسو کلونو راهیسي دې راډیو ته په پښتو اودري ژبو له کندوز او نورو شمالي ولایتونو راپورونه ورکول.

د یما په اړه خلک وايي چې تکړه ژورنالیست و او د شمالي ولایتونو حقیقي تصویر یې په خپلو راپورونو او تحلیلونو کې وړاندې کاوه.

نوموړي په خپلو راپورونو په شمالي ولایتونو کې د سپورت په وده او لوبو ته د خلکو په هڅولو کې هم مهم رول ادا کړی دی.

75 total views, 1 views today

Leave a Reply

Your email address will not be published. Required fields are marked *