Categories
TwitterFacebookPinterestGoogle+

اعلان

Loading…

د امریکا سفارت: د افغان مذاکراتي پلاوي کلک ملاتړ کوو

د امریکا سفارت: د افغان مذاکراتي پلاوي کلک ملاتړ کوو

تاند، پنجشنبه، د حمل ۱۴مه: په افغانستان کې د امریکا د سفارت سرپرست راس ویلسن وايي، د افغان دولت له مذاکراتي پلاوي څخه په کلکه ملاتړ کوي. راس ویلسن نن پنجشنبه په یو ټویټ کې ویلي، پر یووالي، چمتووالي، مؤثریت او…

02 Apr 2020 خبرونه م. عاصم خوږیاڼی No comments

Read more

د کونړ ځوانانو له نظام او امنیتي ځواکونو بشپړ ملاتړ اعلان کړ

د کونړ ولایت په مرکز اسعد اباد کې سلګونو ځوانانو په یو لویه غونډه کې د امنیتي ځواکونو سرښندنې وستایلې او دعملي مرستو ډاډ یې ورکړ.

یاده ناسته ،چې د ولایت مقام په انګړ کې ترسره شوه د کونړ والي وحیدالله کلیمزي سر بیره پکې ،امنیه قومندان جمعه ګل همت ،ولایتي شورا ریس جمال الدین سیار ،دیني عالمانو او د مرکز او ولسوالیو سلګونو ځوانانو برخه اخیستې وه .
غونډې ته د ځوانانو ښوونیز پارلمان غړو ، ولایتي شورا ریس ،امنیه قومندان ،دځوانانو بېلابېلو شوراګانو استازو ،مدني فعالانو او دیني عالمانو ویناوې وکړې .

ویناوالو په هېواد کې روانه جګړه د پردیو تولید شوې او تپل شوې جګړه یاده کړه او په ځوانانو یې غږ و کړ، چې څنګه یې د سپورت ،علم او پوهې په برخو کې هېواد ته ویاړونه راوړي دي د سولې او ثبات د ټینګښت په برخه کې هم رغنده رول ولوبوي،په ویناوو یې د جګړو زیاتره قربانيان ځوانان دي او لاهم د غه لړۍ روانه ده ، په ځوانانو یې غږ وکړ ،چې د علم او پوهې لاره خپله کړي او خپله ټولنه د پردیو دسیسو څخه وژغوري ، دوي امنیتي ځواکونه د دې خاورې او ولس ریښتیني مدافعین یاد کړل او ترې خپل بشپړ ملاتړ یې اعلان کړ.

د کونړ والي وحیدالله کلیمزي ځوانانو ته په خطاب کې وویل ځوانان دټولنې ځواکمنه قوه ده ، د ځوانې انرژۍ او پیاوړې فکري قوې خاوندان دي او د هېواد په ابادې او پرمختګ کې رغنده رول لوبوي ،که ځوانان یو موټی او همغږي شي شته ستونزې او ناخوالې به لمنځه یوسي ،ښاغلي کلیمزي د بروکسل په ناسته کې د افغانانو سره د نړیوالې ټولنې مرستې د هېواد د پرمختګ لپاره یو ښه فرصت وباله ، په ځوانانو یې غږ وکړ ،چې د خپل هېواد ابادۍ لپاره مټې راونغاړي او بهرنیو هېوادونوته د ناقانونه مسافرتونو ځان وژغوري .

کونړ والي ځوانانو ته ډاډ ورکړ ،چې ستونزې او غوښتنې به یې په جدي توګه وڅيړي او ورته د حل لارې چارې به ولټوي .

Leave a Reply

Your email address will not be published. Required fields are marked *