Categories

اعلان

Loading…

بلغاریا له افغانستانه د ځواکونو د ایستلو د پټکې په خاطر بخښنه وغوښته

تاند- د بلغاریا صدراعظم د اروپايي اتحادیې د بهرنۍ پالیسۍ له مشرې سره په کتنه کې په دې بخښنه وغوښته چې له افغانستانه یې د بلغاري پوځیانو د وتلو پټکه کړې وه.

بلغاریا د بروکسل له وروستۍ غونډې مخکې خبرداری ورکړی و چې که افغانستان خپل پناه غوښتونکي، چې بلغاریا ته یې پناه وړې ده، ونه مني، بلغاریا به له افغانستانه ټول پوځیان وباسي.

ده همداراز ویلي و چې باید د بروکسل په کنفرانس کې د افغان پناه غوښتونکو په اړه یوه حللار وموندل شي او که حللار ونه موندل شوه د بلغاریا له پارلمانه به وغواړي چې له افغانستانه د بلغاري پوځیانو د وتلو په اړه پرېکړه وکړي.

د بلغاریا صدراعظم وویل«موږ په افغانستان کې د امنیت او ولسواکۍ د ټینګښت لپاره حضور لرو او که لا هم افغانان مجبوره وي چې له خپل هیواده نورو هیوادونو ته پناه وړي، ښه دا ده چې دا پیسې د خپلو پولو په ټینګولو ولګوو.»

خو صدراعظم بویکو بوریسیف پرون /پنجشنبه/ په بروکسل کې د ناټو د بهرنۍ پالیسۍ له مشرې فدریکو موګیرني سره په کتنه کې په دې اړه له خپلو څرګندونو بخښنه وغوښته.

د بلغاریا صدراعظم وویل، په افغانستان کې د بلغاري پوځیانو کالنی لګښت له ۴۰ ملیون تر ۴۵ ملیون یورو پوري دی.

د بلغاریا دفاع وزیر هم د خپل صدراعظم نظر تایید کړی و او ویلي یې و چې په وروستیو میاشتو کې بلغاریا د افغان پناه غوښتونکو له جدي ستونزې سره مخامخ دی خو دوی د دې ربړې د حل په لټه کې دي.

بلغاریا په افغانستان کې ټولټال ۱۱۰ سرتېري لري چې افغان امنیتي ځواکونه روزي او د کابل د هوايي ډګر په ساتنه کې برخه لري.

بلغاریا ته رسېدلي افغان پناه غوښتونکي د دې لپاره دغه پخواني کمونستي هیواد ته نه دي تللي چې هلته پناه وغواړي بلکې هغوی له بلغاریا څخه لوېدیځې اروپا ته د ترانزیتي لارې په توګه کار اخلي.

290 total views, 1 views today

1 comment

  1. babrak Reply

    افسوس دی د بلغاریا او زمو نږ په حال سل سرتیری په افغانستان کی د ماشیدماشی حیثیت لری خو ۴۵ ملیونه افغانی مو نږ ته د فرقی ارزښت لری

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2