Categories

اعلان

Loading…

د حکمتیار له اسلامي حزب سره د سولې موافقه په ارګ کې لاسلیک کېږي

تاند- ټاکل شوې ده چې د افغانستان د حکومت او د اسلامي حزب د نهايي موافقې د لاسلیک لپاره د پنجشنبې په ورځ په ارګ کې ځانګړي مراسم جوړ شي.

په دې مراسمو کې ښاغلی حکمتیار ګډون نه کوي ځکه چې لا هم له تور لیست او د بندیزونو له لېسته د نوموړي نوم نه دی ایستل شوی خو د ارګ په مراسمو کې به دا موافقه، چې ښاغلي حکمتیار په نامعلوم ځای کې لاسلیک کړې، د افغانستان ولسمشر محمد اشرف غني لاسلیک کړي.

په دې مراسمو کې به د دولت جګپوړي چارواکي ګډون وکړي.

د حزب اسلامي د مرکچي پلاوي مشر امین کریم د چهارشنبې په ورځ پخواني ولسمشر حامد کرزي ته هم بلنه ورکړه چې په دې مراسمو کې برخه واخلي.

حامد کرزي د سولې له بهیر سره د حکمتیار د یوځای کېدو هرکلی وکړ او د سولې دا موافقه یې یو نېک ګام وباله.

11 total views, 3 views today

Leave a Reply

Your email address will not be published. Required fields are marked *