Categories

اعلان

Loading…

د بېوزلۍ د کمولو لپاره زر ملیون ډالري «ولسي تړون» پروګرام پرانیستل شو

تاند- د افغانستان ولسمشر نن /یکشنبه/ د کلیو او ښارونو ترمنځ د فاصلو د کمولو په هدف د رغونې یو ملیارد ډالري پروګرام پرانیست.

دا پروګرام، چې ولسي تړون نومېږي، د ملي پیوستون پروګرام ځای نیوونکی دی چې پر اساس یې د کلیوالو په خوښه پروژې اجرا کېدې.

د ولسي تړون پروګرام په پرانیستونکې غونډه کې اجرايي رييس عبدالله عبدالله هم حاضر و. دا پروګرام د کلیو د پراختیا او بیارغونې د وزارت له لوري عملي کېږي.

ولسمشر غني د دې پروګرام تر پرانیستلو مخکې تېر ماښام د نړیوال بانک له رييس سره په کتنه کې وویل چې د ولسي تړون اصلي هدف دا دی چې د ټولنې د کمزورو او بېوزلو خلکو لاسنیوی وشي.

د افغانستان د مالیې وزیر اکلیل حکیمي په وینا د ولسي تړون د پروګرامونو د اجرا لپاره ۱۳۰ ملیون ډالره حکومت، ۴۰۰ ملیون ډالره د افغانستان د بیارغونې له بسپنې او ۱۰۰ ملیون ډالره د امریکا د نړیوالې براختیا اداره ورکوي.

ښاغلي حکیمي غونډې ته وویل چې د دې پروګرام هدف دا دی چې په هیواد کې بېوزلي کمه کړي او دولتي خدمات ولس ته په ښه بڼه وړاندې کړي.

70 total views, 3 views today

Leave a Reply

Your email address will not be published. Required fields are marked *