Categories

اعلان

Loading…

اې ټي انډ ټي د نړۍ د خورا چټک انترنیټ پروژه پیلوي

د ګوګل او فېسبوک ترڅنګ (AT&T) کمپنۍ هم د نړۍ ګوټ ګوټ ته د غښتلي انترنیټ د رسولو لپاره هڅې پیل کړي دي.

د (AT&T) کمپنۍ د انترنیټ د خورا تېزولو لپاره یوې نوې شېوې ته انکشاف ورکړی دی.

په دې شېوه کې د برېښنا د ستنو او ځانګړو رېلې ګانو په وسیله چټک ګېګابایټي انترنیټ  بېلابېلو سیمو ته په بې سیم یا وایرلیس ډوله لېږلی کېدای شي.

دا نوې پروژه، چې (AirGig) نومېږي، حاضردمه د ازمېښت په پړاو کې ده او (AT&T) کمپنۍ تراوسه پوري د دې پروژې د پیلولو دقیقه نېټه لا اعلان کړې نه ده.

خو ګومان کېږي چې دا سیستم به لومړی په کلیوالي سیمو کې وازمویل شي.

د (AirGig) پروژه انتنونه د برېښنا له مزو سره نښلوي او د ملي متري څپې له یوې فریکوینسۍ بېلابېلو کمپیوټرونو او موبایلونو ته د ګیګابایټي انرتنیټ د خپرولو لپاره کار اخلي.

(AT&T) کمپنۍ ویلي چې (AirGig) به تر اوسني ستندرد بې سیم یا وایرلیس انترنیټه څو برابره ارزانه وي.

فېسبوک یو کال پخوا اعلان کړی چې د نړۍ ګوټ ګوټ ته د وړیا انترنیټ د رسولو لپاره به له بې پېلوټه الوتکو کار واخلي.

12 total views, 1 views today

Leave a Reply

Your email address will not be published. Required fields are marked *