Categories

اعلان

Loading…

د حزب اسلامي استازو ولسمشر غني ته د درناوي پګړۍ ورپه سر کړه

تاند – نن مازدیګر په کابل کې د حکومت او حزب اسلامي ترمنځ د سولې د تړون له لاسلیکولو څخه وروسته د حزب اسلامي استازي هیئت ولسمشرغني ته د درناوي پګړۍ ور په سر کړه.

په دې هکله د ارګ په اعلامیه کې راغلي چې په پیل کې د حزب اسلامي د سولې مذاکراتو پلاوي مشر انجنیر محمد امین کریم له ولسمشر څخه مننه وکړه او ویې ویل، د سولې د تامین په برخه کې ستاسو اراده، حوصله او استقامت د دغو مذاکراتو د بریا لامل شو، او زیاته یې کړه چې د خدای تعالی په مرسته او د سولې پر حقانیت ستاسو د باور له برکته نن د افغانستان خلک او نړیوال د سولې د توافقنامې د لاسلیک د دغې لوی لاسته راوړنې شاهدان دي او نورو وسله والو مخالفینو ته هم د سولې د امید دروازې پرانیستل کېږي.

ولسمشر ته د پګړۍ په سرولو د غونډې برخه وال

ولسمشر ته د پګړۍ په سرولو د غونډې برخه وال

انجنیر محمد امین کریم وویل، د نظام د ملاتړ، د هېواد د دفاع او د خلکو د خدمت په لاره کې هر ډول قربانۍ ته تیاریو، او زیاته یې کړه چې د سولې د دې هوکړې له انفاذ وروسته به ژر تر ژره د هېواد پلازمېنې ته د حزب اسلامي د مشر انجنیر ګلبدین حکمتیار د راتګ زمینه برابره شي.

اعلامیه لیکي چې، بیا د اسلامي حزب د سیاسي برخې مسوول ډاکټر غیرت بهیر ولسمشرغني او ټول افغان ملت ته د سولې د بریالیو مذاکراتو د لویې لاسته راوړنې د بریا مبارکي وویله. هغه ولسمشر ته په خطاب کې وویل، د سولې د تامین په برخه کې دکوښښونو له امله به تاریخ ستاسو نوم په زرینو کرښو ولیکي.

ډاکټر بهیرزیاته کړه، د سولې پروسه اسانه او ساده پروسه نه ده، خو د هېواد د ولسمشر او د حزب اسلامي د مشر د مدبرانه لارښوونو له برکته په بریالیتوب سره نتیجې ته ورسېدله. هغه هیله وښوده چې د سولې د مذاکراتو دغه لاسلیک شوې توافقنامه به ژر تر ژره عملي بڼه غوره کړي.

د ارګ اعلامیه زیاتوي چې د دوی له وینا او څرګندونو څخه وروسته ولسمشرغني وویل، د الله تعالی شکر ادا کوم چې کلونه وروسته په هېواد کې د سولې بین الافغاني مذاکرات په بریالیتوب سره نتیجې ته ورسېدل. هغه د سولې عالي شورا او په ځانګړي ډول د پیرسیداحمد ګیلاني او د حزب اسلامي د سولې د مذاکراتو پلاوي او ټولو هغو شخصیتونو څخه مننه وکړه، چې په دې برخه کې یې ګټور ګامونه واخیستل.

د حزب د مرکچي هیئت غړي انجنیر امین کریم او ډاکټر غیرت بهیر له ولسمشر سره ستړي مه شي کوي

د حزب د مرکچي هیئت غړي انجنیر امین کریم او ډاکټر غیرت بهیر له ولسمشر سره ستړي مه شي کوي

اعلامیه د ولسمشر غني له خولې لیکي چې نیت او اراده د پرمختګ اساس تشکیلوي او نن به حزب اسلامي او د افغانستان ملت ته دا ثابته شوې وي چې د سولې په برخه کې زما نیت محکم دی.

ولسمشر غني وویل چې، د هېواد د ولسمشر په توګه یې دا اسلامي او ملي دنده ده چې په افغانستان کې د قانوني او باعزته سولې د تامین لپاره عملي هلې ځلې او اقدامات وکړي. هغه ژر تر ژره د حکمتیار د راتګ هیله څرګنده کړه او ویې ویل چې هر حزب چې په ولسواکیزه، سوله ییزه او منسجمه توګه صحنې ته داخلېږي، نو سیاسي هندسې ته مثبت بدلون ورکوي.

ویل کیږي چې د دغې کتنې په پای کې د حزب اسلامي د سولې پلاوي مشرتابه او د حزب اسلامي نورو غړو افغان ولسمشر محمد اشرف غني ته د سولې په برخه کې د هغه د هڅو له امله د فضیلت او عزت پګړۍ ور په سر کړه.

417 total views, 1 views today

5 comments

  1. haider Reply

    زما خو شخصا مجاهدینو سره چندان جوړه نه ده، خو دا وایم چې دی شیطانانو دولت لا مخکی په لاس کې دی
    که مونږ عبدالله او محقق او نور وحشیان بښلای شو او که د جنایتکارانو نه اتل جوړولای شو نو ولی حکمتیار نه شو بښلای
    هر وخت چې دا نور لنډه غران محاکمه شول نو بیا دې حکمتیار هم محاکمه شی.
    د حکمتیار راتګ یو ښه والی به دا وي چو نور نو د پنجشیر لنډه غران به په خپل ځایونو کې کښینوی، او دوئ به بیا دومره جراات و نه لري چې پښتانه په سپکه یاده کړی

  2. بشير نوري Reply

    الْحَمْدُ لِلَّهِ ډير دي خوشهالي خبر ده کډي خو هسي هم دراوني دي افغانستان ته خو وس ضرور درزو ځکي چي زمونږ مشر درزي صلح به راشي وطن به اباد شي

  3. ډاکتر عبدالبصير صافى Reply

    الحمدالله ډير خوشحاله يم چى حزب اسلامى د دولت يوه بزخه شوه

  4. حسن Reply

    ولس باید دحکمتیار سره کلک ودریژی ترڅو خپل اودملک عزت اواستقلال ترلاسه کړو
    هغه دقتل اوقتال خبری په تولوافغانو لیدرانو کی شته/خوپه حکمتیار کی جدیت اودلیدرشیپ تفوق ډیر مهم دی چی زمونژ ولس ضرورت ورته لری

  5. عمریار Reply

    دیرخه

Leave a Reply to حسن Cancel reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2