Categories

اعلان

Loading…

د زرمت د ځوانانو ټولنې اعلاميه

 ۱۳۹۵ل کال ، د سنبلې ۱۱ مه

د زرمت د ځوانانو ټولنې غونډه کې د زرمت ځوانانو، محصلينو، استادانو، روڼ اندو، د قلم خاوندانو او مشرانو پر هر هغوستونزو خبرې وکړې چې زرمت ولسوالۍ له تېرو پنځلسوکلونو راهيسې ورسره لاس او ګریوان دی.
د ستونزو پر حل لارو بحثونه وشول او په پای کې نوموړې شورا له مرکزي دولت څخه دا غوښتنې وکړې.

۱- د زرمت ولسوالۍ ټول سرکونه خام دي:

تر اوسه پورې ورته هیڅ پام نه دی شوی، له مرکز سره د نوموړې ولسوالۍ اړيکه پرې ده او خلک يې له سختو ستونزو سره مخ دي هر څومره ژر چې کیدای شي، دولت بايد د دې ولسوالۍ سرکونو جوړولو ته پام وکړي.

۲ : د زرمت د معارف حالت ځورونکی دی:

ښوونځي يې معياري ودانۍ نه لري درسي سيستم يې هم په ټپه ولاړ دی او پر وخت رسیدل ورته ډېر ستونزمن دي.

۳- جګړې او په جګړه کې د ښکېلو غاړو لخوا درنو تلفاتو عام ولس ترپوزې رسولي دي ملکي تلفات، فزيکي او اروايي ناروغۍ زياتې شوې دي،د مور او ماشوم مړينې،توبرکلوز، سرطاني، انتاني، ساري او نورو ناروغيو د خلکو ژوند له ګواښ سره مخ کړی دی که د زرمت امنيت او روغتيايي خدمتونه ښه نشي، د يوه لوی انساني ناورين د رامنځته کیدو وېره ده.

۴- د ناوړه درسي کيفيت له امله زرمتي محصلين لوړو پوهنځيو، پوهنتونونو او د بهرنيو هیوادونو پوهنتونونو ته لاره نشي موندلی په پوهنتونونو کې زرمتي استادان د لوړو زدکړو (ماسټرۍ او دکتورا)بورسونو ته لاسرسی نه لري نور فارغ کادرونه يې له مناسبو دندو بې برخې دي له دولت څخه په دې برخه کې د ځانګړي پام غوښتونکي يو.

۵ – زرمت د پکتيا د ټولو ولسواليو په پرتله تر ټولو پراخه او هواره ولسوالي ده، چې ښايسته حاصلخیزه ځمکه لري د زرمت په غرونو کې په ګويانه، درنګ کني اومکاوه نومي ځايونو کې د اوبو ښه بندونه جوړېدای شی او په زرګونو هکټاره ځمکه خړوبولای شي. دولت بايد د دغو بندونو د جوړولو او له بزګرانو سره د مرستو له لارې د زرمت د ډاګونو په زرغونولو او د بیلابیلو کښتونو د پياوړتيا په برخه کې لازم ګامونه واخلي.

22 total views, 2 views today

3 comments

  1. داکتر هدایت الله زرمت Reply

    دولت نور باید دملت په سر درحم لاس تیر کړی او دزرمت مشکلاتو ته دسره کتنه وکړی په اعلامیه یاد مسایل واقعا د دتوجه وړ دی

  2. عبدالصمد پکتين Reply

    زرمت چې دپکتيا ولايت دنفوسو نيمه برخه تشکلوي او همداراز دمساحت له لو ري دټولې پکتيا دريمه برخه مساحت دزرمت ده خو له به مرغه دزرمت ولسوالي ته ريښتيا هم دبيا رغونې اوزراعت په برخه کې ددولت له لوري هيڅ ندي شوي .دا چې بايد ډير څه ورته وشي دچارواکو دپام وړ.

  3. babrak Reply

    حقانی صاحب مو لګیا دی در جوړوی یی

Leave a Reply

Your email address will not be published. Required fields are marked *