Categories

اعلان

Loading…

د جرمني په پاسپورټ ۱۷۷ هیوادونو ته او په افغان پاسپورټ ۲۵ هیوادونو ته بې وېزې سفر کېدای شي

تاند- د یوې نړیوالې موسسې له لوري د نړۍ د بېلابېلو هیوادونو د پاسپورټونو د اعتبار په اړه تازه سروې ښيي چې د نړۍ تر ټولو معتبر پاسپورټ د جرمني دی خو تر ټولو د لږ اعتبار درلودونکی پاسپورت د افغانستان دی.

د ډیلي ټلګراف ورځپاڼې د راپور له مخې، هینلي انډ پارټنرز (Henley & Partners) موسسې ویلي چې د نړۍ د بېلابېلو هیوادونو پاسپورټونه یې پر دې اساس درجه بندي کړي چې څومره هیوادونه ورته وېزه ورکوي او یا یې بې وېزې مني.

د دې درجه بندۍ له مخې د جرمني پاسپورټ لومړی مقام ترلاسه کړی، ځکه چې د جرمني په پاسپورټ د نړۍ له ۲۱۸ هیوادونو څخه ۱۷۷ هیوادونو ته بې وېزې سفر کېدای شي.

ورپسې د سویډن پاسپورت دی. سویډنیان په خپل پاسپورټ بې وېزې ۱۷۶ هیوادونو ته تللی شي.

د بریتاینا، فرانسې ایټالیا، هسپانیا او فنلنډ پاسپورټونه په دې درجه بندۍ کې درېم ځای لري ځکه چې په دغو پاسپورټونو ۱۷۵ هیوادونو ته بې وېزې سفر کېدای شي.

امریکا، هالنډ، ډنمارک او بلجیم په دې درجه بندۍ کې څلورم ځای لري. د دغو هیوادونو اتباع ۱۷۴ هیوادونو ته بې وېزې تللی شي.

د استرالیا، جاپان، او سینګاپور اتباع، چې په خپل پاسپورټ ۱۷۳ هیوادونو ته د وېزې له اخیستلو پرته تللی شي، پنځم مقام لري.

د کاناډا، ایرلنډ، جنوبي کوریا، لوګزامبورګ، ناروې، پرتګال او سویس له پاسپورټه ۱۷۲ هیوادونه وېزه نه غواړي. ورپسې شپږم ځای د یونان او نیوزیلنډ دی چې ۱۷۱ هیوادونو ته یې وېزه معاف ده. د استرالیا او مالټا په پاسپورټ ۱۶۹ هیوادونو ته بې وېزې سفر کېدای شي.

خو افغانان یوازې د نړۍ ۲۵ هیوادونو ته بې وېزې سفر کولی شي او له همدې کبله د افغانستان پاسپورټ جدول په پای کې راغلی دی.

د پاکستان وضعیت هم تر افغانستان ډېر ښه نه دی. پاکستانیان یوازې ۲۹ هیوادونو ته په خپل پاسپورټ وېزې ته اړتیا نه لري.

پر عراقي پاسپورټ ۳۰ هیوادونو ته، په سومالیايي ۳۱ هیوادونو، په سوري ۳۲ هیوادونو ته او په لیبیايي پاسپورټ ۳۶ هیوادونو ته بې وېزې سفر کېدای شي.

280 total views, 4 views today

11 comments

  1. شمس Reply

    دا کوم هیوادونه دی چه افغانستان ته بغیر ویزی دخول ورکوی؟

  2. بشیر احمد Reply

    افغانی پاسپورت باندی بغیر د ویزی کوم هیواد ته تللی شی لژ وضاحت یی وکری مننه

  3. صاحب جان قریشی Reply

    شه معلومات دی خو افغانان وکمو هیوادونو ته بی ویزی سفر کولای سی که یی نمونه هم ذکر سی شخصا خو داسی هیواد نسته چی افغانانو ته دی بی له ویزی اجازه ورکری

    1. ولي الله Reply

      که ددغه هيوادونو نومونه زکر شي کومو ته چي افغانان بي ويزي سفر کولي شي نو ډير ګټور معلومات به وي.

  4. سعيد Reply

    كور مو ودان ستاسو له معلوماتو نه افغانان 25 ملكونوته بي ويزي تلايشي د هغوي له جملي نه
    1 امريكا
    2جاپان
    3 جرمني
    4 فرانسه
    5 استراليا
    6 چين
    7 موسكو
    8 ازبكستان
    9 تاجكستان
    10 تركمنستان
    11 قزاقستان
    12 اوكراين
    13 چيك جمهوريت
    14 تركيه
    اويو واڑه ملكونه دي مثلا
    15 برناي (دارالسلام
    او همدارنگه

    كه غواڑي په آسانه پوي شي
    افغانستان 25 ولايتونه سفر كولايشي
    مثلا
    مزار شريف ته كه ورشي دوستم مو وزني
    او بلخ ته كه لاڑشي عطا نور هلته دي ڈيراحتياط به كوي چي د (قروت ) دكلمي په زاي ه
    كوروت
    استعمال نكڑي

    نور تاسو كولايشي 25 ولاياتو ته بي ويزي لاڑشي

  5. زبیر Reply

    افغاناان یوه هیواد ته هم بغیر له ویزی نشی تللای
    د 25 هیوادونو خبره سمه نه ده

  6. همت زرران Reply

    اسلام علېکم د هېوادونو ته پرته له ويزی
    سفر کولئ شئ
    Visa on arrival countries for Afghanistan passport
    1. Antigua and Barbuda
    2. Australia (online visa e 600 visa) must apply online 3.Bangladesh
    4. Cape Verda
    5. Comoros
    6. Djibouti
    7. Dominican Republic
    8. Gabon
    9. Guinea Bissa
    10. Haiti
    11. Madagascar
    12. Maldives
    13. Mauritania
    14. Micronesia
    15. Mozambique
    16. Palau
    17. Saint Vincent and the Grenadines
    18. Seychelles
    19. Sri Lanka
    20. Timor – Leste
    21. Togo
    22. Tuvalu
    23. Uganda
    24. Zambia
    25. Zimbabwe

  7. نعيم Reply

    افغاني پاسپورت باندي كومو هيوادو ته بي ويزي سفر كولي شو

  8. جبار خان Reply

    یاره دا په سه گدو ودو دی سر دی دا 25 کوم هیوادونه دی چی بی له ویزی ورتلی شو ما ته خو یو هم ندی معلوم

  9. زرین کابل Reply

    دافغانستان په سیاسي پاسپورت يوشمير هېوادونوته سفرکیدای شي خو په عادي پاسپورت فکرنکوم

  10. Nasib ullah Reply

    افغانان نږدې هیواد پاکستان ته بې ویزې نشي تللی نو ۲۵ هیوادونه خو پریږده

Leave a Reply

Your email address will not be published. Required fields are marked *