Categories

اعلان

Loading…

پاکستان وايي، له پنجشنبې څخه د سپین بولدک – چمن لار پرانیزي

تاند- پاکستان موافقه وکړه چې د سپین بولدک ترانزیتي لار له نژدې دوو اوونیو وروسته پرانیزي.

دا لاره پاکستان وروسته له دې بنده کړه چې یو شمېر قهرېدلیو افغان مظاهره چیانو په وېش کې د پاکستان بیرغ ته اور ورته کړ.

مظاهره چیانو وروسته له دې د پاکستان بیرغ وسوځاوه چې پاکستانیانو د افغانستان بیرغ او د ولسمشر غني عکس وسوځول.

د پاکستان سرحدي ملېشه ځواک وايي چې د سپین بولدک – چمن لار به، چې د اګست په ۱۸ مه بنده کړای شوې وه، سبا /پنجشنبه/ له ۱۳ ورځې بندېدا وروسته پرانستل شي.

د دې لارې د بندېدو له کبله افغان سوداګرو د ملیونونو ډالرو مېوې او نور خوراکي مواد ضایع شول.

پاکستان وروسته له دې د دې لارې د پرانستلو پرېکړه وکړه چې هند اعلان وکړ چې افغانستان کولی شي خپلې مېوې د هوا له لارې هند ته بې مالیې صادرې کړي.

افغان سوداګر وايي، پاکستان هر کال د مېوو د صادراتو په موسم کې په یوه او بله پلمه وېش بندوي او افغان سوداګرو ته مالي زیان اړوي.

226 total views, 2 views today

1 comment

  1. حسن Reply

    پخوانیو رښتیا ویلی دی چې دوست او دښمن په سخته ورځ کې معلومیږی.

Leave a Reply

Your email address will not be published. Required fields are marked *

۸