Categories

اعلان

Loading…

امریکا افغان هوايي ځواک ته ۴ نورې ایم ډي ۵۳۰ څرخکې ورکړې

تاند- د امریکا هوايي ځواک د افغانستان هوايي ځواک ته د (27 MD-530 Cayuse Warrior) جنګي څرخکو وروستۍ څلور وسپارلې.

د امریکايي خبري سرچینې یو پي ایل د راپور له مخې، دا هیلي کوپترونه د کلیفورنیا ایالت د ترافیس له هوايي اډې څخه په سي-۱۷ګلوب ماستر ۱۱۱ الوتکه کې کابل ته ورسول شوې.

دا څلور څرخکې د هغو ۵ په شان چې په جولای میاشت کې افغانستان ته سپارل شوې وې، د راکټ او ماشینګڼ د ویشتلو وړتیا لري. دا څرخکې د لومړنیو ۱۳ هیلي کوپترو خلاف د لید په یوه نوي سیستم مجهزې دي.

د امریکا د هوايي ځواک د قطعې قوماندان جګړن بیل اشرفورد وايي، د افغانستان هوايي ځواک ته د مخکینیو دیارلس (MD-53) ورکړای شویو څرخکو په پرتله نوي څرخکې پرمختللي دي.

(MD-53) سپکې څرخکې دي چې د یوه یا دوو تنو له لوري چلول کېږي. د دغو هیلي کوپترو سرعت په هر ساعت کې ۱۷۵ مایله (۲۸۱ کیلومتر) دی او په یو وار ۳۷۵ مایله (۶۰۴ کیلومتر) سفر کولی شي.

73 total views, 1 views today

Leave a Reply

Your email address will not be published. Required fields are marked *