Categories

اعلان

Loading…

امریکا له پاکستان سره مالي او پوځي مرستې کموي

تاند- په واشنګټن کې د امریکا پوځي، دیپلوماتیک او استخباراتي چارواکي او همداراز کارپوهان وايي، د متحدو ایالتونو له دښمنو سختدریځو یاغي ډلو سره د پاکستان د ملاتړ دوام او ورسره په یو وخت له هند سره د امریکا د پوځي او تجارتي اړیکو پراختیا د واشنګټن لپاره د یوه متحد په توګه د پاکستان ستراتیژیک اهمیت کم کړی دی.

د رویټرز خبري اژانس د راپور له مخې، د امریکا متحدو ایالتونو په وروستیو کلونو کې پاکستان ته پوځي او اقتصادي مرستې په شدت کمې کړي چې دا په ګاونډي افغانستان کې له طالبانو سره د اتومي پاکستان د ملاتړ د دوام په وړاندې د امریکايي چارواکو د مایوسۍ او خوابدۍ ښودنه کوي.

د امریکايي چارواکو او تحلیلګرانو په وینا دې مایوسۍ له څه باندې یوې لسیزې راهیسي د امریکا او پاکستان پر اړیکو سیوری غوړولی دی او د سختدریځو له لوري د افغانستان په ځینو برخو کې وروستیو پرمختګونو لا زیاته کړې ده.

د واشنګټن د وودراو ویلسن د تحقیقاتي مرکز د جنوبي اسیا د چارو متخصص مایکل کوګیلمن وايي چې په جنوبي اسیا کې له پاکستانه د هند لور ته د پالیسۍ د بدلون نښانې ویني.

امریکايي چارواکي وايي، د پاکستان له لوري د طالبانو د ملاتړ د نه بندولو په وړاندې د امریکا په ځانګړي ډول د امریکايي پوځي او استخباراتي چارواکو نارضایتي اوس له دې سره مرسته کړې چې د ولسمشر بارک اوباما اداره په افغانستان کې د خپلو ځواکونو د نه ښکېلتیا پرېکړه بېرته واخلي.

اوباما تېره میاشت اعلان وکړ چې د سږ کال تر پایه به په افغانستان کې ۸۴۰۰ سرتېري پرېږدي، حال دا چې ټاکل شوې وه چې د سږ کال تر پایه به ۵ زره سرتېري باسي.

د امریکا د حکومت له ارقامو سره سم، پاکستان ته د امریکا مرسته چې په ۲۰۱۱ م کال کې ۳ نیم ملیارد ډالره وه، په ۲۰۱۶ کې تر یو ملیارده نه زیاتېږي.

د سږ کال په مارچ کې د امریکا د مشرانو جرګې د بهرنیو اړیکو د کمېټې ريیس سناتور باب کراکر وویل چې هڅه کوي پاکستان ته د ایف شپاړس الوتکو د ورکولو په خاطر د ۴۳۰ ملیون ډالره مرستې مخه ونیسي.

د روان اګست په لومړیو کې دفاع وزیر اشتن کارتر وویل، پاکستان ته ۳۰۰ ملیون ډالره پوځي مرسته یې رد کړې ده ځکه چې دغه هیواد د حقاني شبکې پر ضد اقدامات نه دي کړي.

383 total views, no views today

1 comment

  1. طالب Reply

    اوس مو نښه برابره کړه همداسې ځای دی

Leave a Reply

Your email address will not be published. Required fields are marked *

۸