Categories

اعلان

Loading…

د پاکستان پوځ وايي، د افغان ولسمشر د شواهدو پر اساس یې عملیات وکړل

تاند- د پاکستان پوځ وايي، وروسته له دې چې د افغانستان ولسمشر د پاکستان لوی درستیز ته شواهد وړاندې کړل، د پاکستان پوځ په خپله خاوره کې عملیات وکړل.

د پاکستان د پوځ د عامه اړیکو دفتر نن /پنجشنبه/ وویل چې د افغانستان ولسمشر راحیل شریف ته ویلي چې پر افغان امریکايي پوهنتون برید د پاکستان په خاوره کې تنظیم شوی و او د موبایل ټېلفون ۳ شمېرې یې د پاکستان پوځ ته وښودلې چې له هغو څخه د حملې په وخت د پاکستان له خاورې په منظم ډول له تروریستانو سره تماس روان وو.

د پاکستان پوځ وايي، وروسته له دې چې د افغانستان چارواکو د موبایل ۳ شمېرې له پاکستان سره شریکې کړې، د پاکستان امنیتي ځواکونو د افغانستان د حکومت د معلوماتو پر اساس د افغانستان او پاکستان پولې ته نژدې عملیات وکړل.

د پاکستان پوځ په عین حال کې وايي چې ډېر ځلي د افغان موبایل شرکتونو سیګنالونه له پولې اوړي.

د پاکستان پوځ همداراز ویلي چې د عملیاتو د نتیجې په اړه یې افغان چارواکو ته معلومات ورکړل او د موبایل شمېرو په اړه نورې څېړنې روانې دي.

د افغانستان ملي امنیت نن د ملي امنیت شورا غونډې ته د کابل د امریکايي پوهنتون د تېرې شپې د حملې په اړه اسناد او شواهد وړاندې کړل.

د وړاندې شویو شواهدو پر اساس دا برید د پاکستان له خاورې تنظیم شوی او له هماغه ځایه تروریستانو ته لارښودنه کېده.

د شواهدو له لیدو وروسته ولسمشر غني مستقیماً راحیل شریف ته ټېلفون وکړ او له هغه یې وغوښتل چې په خپله خاوره کې د تروریستانو پر ضد جدي او فوري اقدام وکړي.

د پاکستان پوځ په خپله خبرپاڼه کې نه دي ویلي چې د عملیاتو په نتیجه کې څوک ونیول یا ووژل شول.

343 total views, 1 views today

1 comment

  1. Asad Reply

    Pakistan is always lying don’t trust Monafiqeen.

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2