Categories

اعلان

Loading…

په هلمند کې یو امریکايي پوځي ووژل شو

تاند- د ناټو په مشرۍ نړیوال ايتلاف نن /سې شنبه/ وویل چې په هلمند ولایت کې یو امریکايپي پوځي د ګزمې په مهال وژل شوی او بل ټپي شوی دی.

ناټو ځواکونو په یوه خبرپاڼه کې ویلي چې دا پوځي په لاره کې د ځای پر ځای شوي بم په چاودنه کې ووژل شو.

په خبرپاڼه کې د پېښې نور جزییات نه دي څرګند شوي.

خو افغان سرچینې وايي چې په دې پېښه کې ۶ افغان سرتېري هم ژوبل شوي دي.

امریکا پرون اعلان وکړ چې لشکرګاه ته یې ۱۰۰ تنه تازه دمه پوځیان لېږلي چې د طالبانو پر ضد په جګړه کې د افغان امنیتي ځواکونو ملاتړ وکړي.

له دغو سلو پوځیانو سره اوس په هلمند کې د امریکايي پوځیانو شمېر ۵۰۰ ته رسېږي.

دا په داسي حال کې ده چې پخوا په دغه ولایت کې شاوخوا ۳۰ زره امریکايي او امریکايي پوځیان ځای پر ځای ول.

9 total views, 2 views today

Leave a Reply

Your email address will not be published. Required fields are marked *