Categories

اعلان

Loading…

د امریکا پوځ هلمند ته د ۱۰۰ سرتېرو لېږل تایید کړل

تاند- د امریکا پوځ تایید کړه چې شاوخوا ۱۰۰ سرتېري یې هلمند ته د وسله والو طالبانو خلاف د جګړې لپاره لېږلي دي.

د ۲۰۱۴ م کال د جنورۍ له لومړۍ څخه امریکايي پوځیانو د افغانستان په جګړه کې له ګډونه ډډه کړې او خپل ماموریت یې د افغان امنیتي ځواکونو تر روزنې او مشاورته پوري محدود کړی و.

خو دا لومړی ځل دی چې په افغانستان کې د امریکا پوځ د جګړې میدان ته د خپلو ځواکونو د لېږلو خبره کوي.

د امریکايي پوځیانو یوه ویندوی نن /دوشنبه/ وویل چې امریکايي پوځیان د هلمند ولایت مرکز لشکرګاه ښار ته رسېدلي دي.

ده وویل چې دا پوځیان به د پولیسو ملاتړ وکړي.

پرون د هلمند چارواکو ویلي و چې تېره شپه د دغه ولایت هوايي ډګر (بُست) ته یو شمېر تازه دمه امریکايي پوځیان رسېدلي دي.

د هلمند د والي ویندوی په بُست هوايي ډګر کې د امریکايي پوځیانو د کوزېدو خبر تایید کړ خو د هغو د شمېر په اړه یې بې خبري څرګنده کړه.

په همدې حال د هلمند د ولایتي شورا ريیس کریم اتل اسوشیتید پریس خبري اژانس ته نن /دوشنبه/ وویل چې د هلمند ولایت په څو سیمو کې جګړه روانه ده.

خو د هلمند د ولایتي ادارې چارواکي بیا وايي چې جګړه تر پخوا ټکنۍ شوې ده.

361 total views, no views today

Leave a Reply

Your email address will not be published. Required fields are marked *

۸