Categories

اعلان

Loading…

د ښه ژوند لپاره ۳۰ غوره سپارښتنې!/ حسیب الرحمن نورمل

ژباړه

  1. سهار وختي له خوبه پاڅئ له لسو نه تر پنځلسو دقیقو پورې سپورټ وکړئ.
  2. کله چې د سفر، دندې، ښوونځي او یا پوهنتون په لور ځي نو خپل مور، پلار (مېرمن \ خاوند) او ماشومان مو ووینئ.
  3. کله چې د یو کار پر لور ځئ نو له کوره څو دقیقې مخکې حرکت وکړئ.
  4. که د کار په وخت کې ستړي کېدئ نو څو دقیقو استراحت وکړئ.
  5. خپل احساسات مو د ژوند له ملګري(مېرمنې \ خاوند) یا د بل نېږدې دوست سره شریک کړئ.
  6. هغه نعموته چې خدای(ج) درته ډالۍ کړي ویې شمېرئ او د هیر یوه شکر ادا کړئ.
  7. له مور او پلار سره مو د زړه خواله وکړئ هغوي ته د ځان په اړه ډاډ ورکړئ.
  8. بې صبري مه کوئ تل صبوره و اوسئ.
  9. حریص مه اوسئ قناعت خپل کړئ.
  10. خپل کارونه په نیمه کې مه پرېږدي، ترسره یې کړئ.
  11. د خدای(ج) په ورکړه، مهربانۍ، رحمتونو، نظم او ترتیب باور ولرئ.
  12. خپلې تېروتنې ومنئ او نور د خپلو تېروتنو په خاطر مه رټئ هغوي په ورین تندي وبښئ.
  13. په خبرو کې مو منفي کلمې او کنایې مه کاروئ په خوږو او نرمو الفاظو خبرې وکړئ.
  14. پر وعده ټینګ و اوسئ که چا ته په وعده کې پاتې راغلي وی بښنه ترې وغواړئ.
  15. له ملګرو او دوستانو سره مو د ملګرۍ او دوستۍ تار مه پرې کوئ که هغوي یې د پرېکولو هڅه کوئ تاسو یې مخه ونیسئ.
  16. کلک زړه ولرئ څو د ژوند ځینې کوچنۍ پېښې ورته ضرر ونه رسوي.
  17. د ژوند ترخې او خوږې خاطرې مو درس وګڼئ هغه څه ترې زده کړئ کوم چې بریالي خلک یې ترې زړه کوي.
  18. هېڅکله له زده کړو لاس مه اخلئ انسان دوامدارو زده کړو ته اړتیا لري.
  19. نور خلک مه پرېږدئ چې ستاسو په شخصي ژوند کې مداخله وکړي هغوي ته ووایئ«دا زموږ شخصي مسله ده».
  20. که د خلکو له نیوکو او ګواښونو سره مخ کېدئ نو مه وریږئ هغوی هېڅکله ستاسو د بریا خنډ نشي کېداي.
  21. د نورو په ناراحتۍ مه ناراحته کیږي که مو په وس پوره وي د هوساینې په خاطر ورسره مرسته وکړئ.
  22. پرته له خدای(ج) نه له هېچا د مرستې تمه مه لرئ هسې نه د ژوند پدې سفر کې په نیمه لار پاتې شئ.
  23. د هغو خلکو احترام وکړئ چې ستاسو احترام کوي.
  24. هېڅکله د خلکو د پرمختګ خنډ مه کیږئ هسې نه هغوی ستاسو د پرمختګ خنډ شي.
  25. کله کله مو د ځینو ملګرو او دوستانو په چلند او فکر کې بدلون راځي تاسو د هغوي په اړه اندېښنه مه کوئ ښايي غلط پوه شوي وي.
  26. سهار ډېر، غرمه متوسط او بیګا کم خواړه وخورئ.
  27. هڅه وکړئ چې هر ورځ لږ تر لږ د دریو کسانو پر شونډو مسکا خوره کړئ.
  28. د تېر کال په پرتله سږ کال ډېر کتابونه ولولئ.
  29. تر هغه چې له حقیقته نه وی خبر د چا په اړه قضاوت مه کوئ.
  30. له خلکو سره داسې چلند وکړئ څنګه یې چې تاسو له نورو تمه لرئ.

90 total views, 1 views today

Leave a Reply

Your email address will not be published. Required fields are marked *