Categories

اعلان

Loading…

په افغانستان کې پر پاکستانیو روپیو د راکړې ورکړې بندېدا پاکستاني چارواکي اندېښمن کړي

تاند- د افغانستان په بازارونو کې پر پاکستانیو روپیو د راکړې ورکړې د بندیز خبرونو پاکستاني چارواکي اندېښمن کړي او د دغه هیواد د مالیې وزیر په دې اړه په اسلام اباد کې د افغانستان له سفیر سره خپله اندېښنه شریکه کړې ده.

د پاکستان د مالیې وزیر محمد اسحاق ډار نن /دوشنبه/ وویل، د افغانستان له سفیر ډاکتر حضرت عمر زاخېلوال سره یې د ټېلفون له لارې په مسله باندې خبرې وکړې، هغه ورته وویل چې په افغانستان کې د نورو هیوادونو د اسعارو په شان د پاکستانۍ روپیو پر تبادلې هم بندیز نشته.

وروسته له دې چې د کندهار ولایت والي او امنیه قوماندان اعلان وکړ چې له دې ایسته په پاکستانیو روپیو راکړه ورکړه په دغه ولایت کې جرم ګڼل کېږي، ځینو پاکستانیو رسنیو دا موضوع داسي وانګېرله چې ګنې په افغانستان کې د پاکستانیو روپیو لرل او یا تبادله منع شوې ده.

حال دا چې پاکستان او ایران هم چا ته اجازه نه ورکوي چې په هیواد کې یې څوک د ډالرو په شمول په بهرنیو پیسو راکړه ورکړه وکړي.

د افغانستان سفیر حضرت عمر زاخېلوال دا خبره چې د افغانستان په یو شمېر ولایتونو کې پر پاکستانیو روپیو راکړه ورکړه منع شوې رد نه کړه بلکې دې پوښتنې ته په ځواب کې یې ویلي چې په افغانستان کې د پاکستانۍ روپیو لرل او په ازاد ډول د هغو پر تبادلې بندیز نشته.

په کندهار کې پر پاکستاني روپیو د پیر و پلور له بندېدو سره د افغانیو ارزښت لوړ شوی او خلک د حکومت د دې اقدام هرکلی کوي.

خلک هیله لري چې د افغانیو پیاوړتیا به د جنسونو، چې لویه برخه یې له ګاونډیو هیوادونو راځي، بیې ټیټې کړي.

476 total views, 1 views today

4 comments

  1. pardes Reply

    د زاخیلوال او دهغه په څیر ځینی نورو سست عنصرو دلاسه دافغانستان حیثیت ته همیشه صدمه رسیدلی کنه نو په جواب کی باید ورته ویل شوی وی جی په پاکستان کی هم افغانی نه چلیژی د کوم حق له مخی تاسو دا امتیاز غواړی خدای د جنرال رازق غیرت لژ هم پدی بی غیرتو کی پیداکړی

  2. حسن Reply

    د نړۍ په هر هیواد کې د هغه هیواد اسعار یا پولی واحد چليږي. د پردیو پيسو رواجول خپل اقتصاد ته تاوان رسوی. کیدای شی د پردیو اسعارو استعمال یواځې یو څو تنو د ګوتو په شمار سوداګرو ته ګټه ورسوی مګر په مجموع کې د ټول ملت د اقتصاد په تاوان تمامیږی. هیله ده د افغانستان دولت پدې هکله مشخصه او واضیح پالیسي ولری. خصوصا د ګاونډیو هیوادونو د پیسو د رواجولو مخه ونیسی. که فرضا ګاونډیان زمونږ پولی واحد « افغانیو » ته اجازه ورکړی نو بیا زمونږ ګاونډیان هم حق لری د خپلو اسعارو د راکړه ورکړی په باب اندیښنه څرګنده کړی.

  3. mohammad ehsan Reply

    دې چارواکو خو ددې ملک او ددې خلکو حیثیت له مینځه یووړ که نه ولې به دافغانستان حیثیت دې حد ته رسېدو چې په پردیو اسعارو راکړه ورکړه عامه شي.

  4. nasrat shah Reply

    دنړی په هر هیواد کی دهغه هیواد اسعار یا پولی واحد چلیږی . د پردیو پیسو رواجول خپل اقتصاد ته تاوان روسوی. کیدای شی د پردیو اسعارو یواځی یو څو تنو د ګوتو په شمار سوداګرو ته ګټه ورسوی مګر په مجموع کی د ټول ملت د اقتصاد په تاوان تمامیړی

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2