Categories

اعلان

Loading…

د ترکمنستان او قزاقستان ولسمشران سندرې هم وايي

عکس: اتمبایف

تاند- د قرغیزستان الماس بېک اتمبایف او د ترکمنستان قربان قُلي بیردي محمداوف دوه داسي ولسمشران دي چې د سیاسي چارو ترڅنګ سندرې وايي، د موسیقي الې ږغوي او کله ناکله لیکنې هم کوي.

د ترکمنستان ولسمشر قربان قلي بیردي محمد اوف د خپلو دوو لمسیو په ستاینه کې سندره ویلې ده. د دې سندرې شعر او کمپوز ده په خپله جوړ کړي دي.

د قزاقستان ولسمشر الماس بېک اتمبایف غواړي چې د شپېته کلنې زوکړې په مناسبت د خپلو سندرو ټولګه خپره کړي.

د قرغیزستان د ولسمشر مطبوعاتي دفتر ویلي چې ولسمشر تېره میاشت ۵ سندرې په یوه سي ډي کې خپرې کړې. په روان اګست کې هم ۵ نورې سندري په قزاقي ژبه خپروي.

ټاکل شوې ده چې اتمبایف د سپپټمبر په ۱۲ مه (سنبله۲۷)، چې د زوکړې ورځ یې ده، دا البوم خپلوانو او دوستانو ته ډالۍ کړي.

د اتمبایف لومړنۍ سندره د سرطان په ۱۲ په یوټیوب کې خپره شوه.

په پاسنۍ ویدیو کې ترکمن ولسمشر ګیتار وهي او وروسته سندره وايي.

د ترکمنستان ولسمشر تر دې پخوا هم په موسیقۍ کې خپل مهارت نندارې ته وړاندې کړی دی. ده په ۲۰۱۱ م کال د خپلې سندرې د خپرېدو په مهال ویلي و چې شعر او کمپوز یې خپل دي.

محمداوف په څو شوګانو یا نندارو کې د (ډي جي) په توګه کار کړی دی.

په ۲۰۱۵ کال یې «مخ په وړاندې – مخ په وړاندې، یوازې زما ګران هیواده ترکمنستانه مخ په وړاندې» شعر او ترانه وویله چې اوس د ترکمنستان ملي شعر ګڼل کېږي.

دا سندره دلته واورئ او ووینئ

65 total views, 1 views today

Leave a Reply

Your email address will not be published. Required fields are marked *