Categories

اعلان

Loading…

اوبر کمپنۍ په ۵۰۰ ملیون ډالرو د نړۍ د لارو نوې نقشه جوړوي

تاند- د اوبر(Uber) په نوم د ترانسپورت امریکايي اداره، چې د لارو د موندلو لپاره د ګوګل له نقشو کار اخلي، پر ګوګل د خپلې اتکا د پای ته رسولو لپاره د نړۍ د لارو د نقشو پر جوړولو ۵۰۰ ملیون ډالره پانګونه کوي.

د فیننشل ټایمز ورځپاڼې د راپور له مخې، اوبر، چې د ټکسي چلونې خصوصي کمپنۍ ده او د نړۍ په ۶۶ هیوادونو کې فعالیت کوي، غواړي چې د نړۍ د لارو پرمختللې نقشه جوړه کړي او په دې توګه له خپلو ټکسیانو سره مرسته وکړي څو لارې لا اسانه وموندلی شي.

د اوبر نقشې به ډېرې دقیقې وي. دا نقشې به ترافیکي نښې، د ودانیو ننوتو لارې او د ټکسي تمځایونه ښيي.

اوبر کمپنۍ د دې لپاره چې اتومات، یا بې چلوونکي موټرونه لا دقیقو او ښو نقشو ته اړتیا لري، د اتومات ټکسیانو د کارولو لپاره لومړني ګامونه اخیستي دي.

اوبر د ګوګل ځیني پخواني کارکوونکي ګومارلي، د نقشه اخیستنې ځیني شرکتونه یې په بیه اخیستي او د دیجټل ګلوب په شان د سپوږمکۍ په وسیله د نقشه اخیستلو له کمپنیو سره یې همکاري پیل کړې ده.

حاضردمه په نړۍ کې د لارو په موندلو کې د ګوګل له نقشو کار اخیستل کېږي. ګوګل دا کار لږترلږه ۱۰ کاله پخوا پیل کړی دی.

۰۰۰۰۰۰۰۰۰۰۰۰۰۰۰۰۰

هوايي ټکسي

12 total views, 1 views today

Leave a Reply

Your email address will not be published. Required fields are marked *