Categories

اعلان

Loading…

د لغمان په چاودنه کې ۲ تن وژل شوی او د ولایتي شورا د رييس په ګډون ۹ ټپیان دي

تاند- د لغمان ولایت په مرکز مهترلام کې په یوه تروریستي حمله کې د ولایتي شورا د رييس د یوه ساتونکي د وژل کېدو ترڅنګ ۹ تنه ټپیان شول.

په ټپیانو کې د لغمان د ولایتي شورا رييس هم شامل دی.

د لغمان د والي ویندوی سرحدي ځواک وايي، په دې پېښه کې چې نن سهار د مهترلام د ګومین په سیمه کې په موټر سایکل کې د ځای پر ځای شوي بم د چاودنې په نتیجه کې وشوه، د ولایتي شورا رييس محمد طاووس عادل له خپلو ۴ ساتونکو او دغه راز څلورو لارویانو سره ټپي شو او یو ساتونکی ووژل شو.

سرحدي ځواک وايي چې د ولایتي شورا ريیس پلی روان و چې په موټر سایکل کې ځای پر ځای شوی بم وچاودېده.

د روغتون ډاکتران وايي چې ټپیان له خطره وتلي او د ولایتي شورا رييس تر جراحي عملیاتو لاندې دی.

66 total views, 3 views today

Leave a Reply

Your email address will not be published. Required fields are marked *