Categories

اعلان

Loading…

په غور ولایت کې د طالبانو او داعشیانو ترمنځ نښتې روانې دي

تاند- په غور ولایت کې د وسله والو طالبانو او داعشیانو ترمنځ نښتې پیل شوي دي.

ایراني سرچینو نن /دوشنبه/ وویل، دا نښتې وروسته له دې پیل شوې چې وسله والو طالبانو د غور ولایت په چارسده ولسوالي کې د داعش یا اسلامي دولت د وسله والې سختدریځې ډلې پر مرکزونو برید وکړ.

دغو سرچینو د حملې د وخت یادونه نه ده کړې خو ویلي یې دي چې تر نن /دوشنبې/ پوري د دواړو خواوو ترمنځ نښته روانه ده.

Ghorله بلې خوا د غور ولایت د امنیه قوماندان په قول ویل شوي چې په دې جګړه کې دواړو خواوو ته مرګ ژوبلې اوښتي دي خو دقیق شمېر یې تراوسه څرګند نه دی.

ده همداراز وویل، جګړه د داعش د یوه قوماندان شاه ولي او د طالبانو د قوماندان احمد شاه د پلویانو ترمنځ نښتې ده.

ویل شوي چې د نښتو له کبله د سیمې یو شمېر کلیوال مجبوره شوي چې کور اور پرېږدي.

تر دې پخوا په ننګرهار، زابل او فراه ولایتونو کې هم د داعش او طالبانو ترمنځ خونړۍ نښتې شوي دي.

د داعش پلویان ادعا کوي چې په فراه او زابل کې د ایران سپاه پاسداران د دوی خلاف په جګړه کې د طالبانو ملاتړ کړی دی.

د داعش ډله په ننګرهار کې د افغان امنیتي ځواکونو له سختو او پر له پسې حملو سره مخامخ ده او ډېرې سیمې ورڅخه پاکې شوي دي.

10 total views, 1 views today

Leave a Reply

Your email address will not be published. Required fields are marked *