Categories

اعلان

Loading…

د هلمند چارواکي وايي نادعلي ولسوالي به سقوط نه شي

د نادعلي ولسوالۍ له یوې سیمې څخه د افغان ځواکونو له په شاتګ وروسته د هلمند ولایت چارواکي ډاډ ورکوي چې دا ولسوالۍ به د طالبانو تر ولکې لاندې رانشي.

د هلمند د والي ویاند عمر ځواک وویل د وسله والو د حملو د شنډولو لپاره سیمې ته اضافي سرتیري استول شوي دي:

“افغان امنیتي ځواکونه ساحې ته تللي دي چې په دې کې کومانډويي ځواکونه، ضربتي ځواکونه، خاص قطعات او تر څنګ یې هوايي قطعات هم شامل دي”

ښاغلي ځواک تایید کړه چې د وسله والو طالبانو له حملو وروسته افغان ځواکونه له چاه میرزا سیمې څخه په تکتیکي ډول ووتل.

د راپورونو له مخې وړمه شپه لسګونه وسله والو طالبانو پر نادعلي ولسوالۍ حمله وکړه. سرچینو په سیمه کې د آزادۍ راډیو خبریال ته ویلي چې وسله وال د ولسوالۍ مرکز ته ډیر نژدې شوي دي.

په همدې حال کې د هلمند چارواکو ویلي څلور مشکوک کسان چې غوښتل یې نادعلي ولسوالۍ ته وسلې او مهمات قاچاق کړي وژل شوي. د هلمندولایت مطبوعاتي دفتر په یوه بیان کې ویلي چې دا کسان پرون د امنیتي ځواکونو له خوا ووژل شول.

141 total views, 1 views today

Leave a Reply

Your email address will not be published. Required fields are marked *