Categories

اعلان

Loading…

د پاکستان یو جګپوړی پوځي پلاوی کابل ته راځي

تاند- د افغانستان د بهرنیو چارو وزارت وايي، د پاکستان یو جګپوړی پوځي پلاوی نن /سې شنبه/ کابل ته راځي.

د دغه وزارت په وینا پاکستانی پلاوی به له افغان چارواکو سره د ګډو امنیتي ګواښونو، له ترهګرۍ سره د مبارزې او د کابل – اسلام اباد د اختلافاتو د حل کولو پر لارو چارو خبرې وکړي.

دا پلاوی وروسته له دې کابل ته راځي چې د افغانستان ولسمشر محمد اشرف غني په زغرده وویل چې پاکستان په ښکاره د تروریستانو ملاتړ کوي، وسلې او پیسې ورکوي او په خپله خاوره کې یې ساتنه کوي.

ولسمشر غني په عین حال کې وویل، که پاکستان ثابته کړه چې نور د افغانستان د تخریب لپاره د تروریستانو له ملاتړه لاس اخلي، افغانستان حاضر دی چې له پاکستان سره د یوه دوست هیواد په توګه اړیکې غښتلې کړي.

پرون /دوشنبه/ د پاکستان صدراعظم نوازشریف ولسمشر غني ته ټېلفون وکړ او ډاد یې ورکړ چې د تروریزم پر ضد به له افغانستان سره همکاري وکړي.

د افغانستان د حکومت اوسنی دریځ دا دی چې باید پاکستان هغه څه چې په خوله یې وايي، عملاً ثابت کړي.

17 total views, 2 views today

2 comments

  1. حسن Reply

    فکی ستان اوس کرار کرار پوهیږی چې که افغانستان له دوی نه ځان ټول کړی ، خپل مهاجرین بیرته وروغواړی ، د کراچۍ له لارې خپل تجارت بند کړی ، فکیستانی تاجرانو او ترانسپورتی وسایلو ته اجازه ورنکړي ترڅو له افغانستان نه منځنۍ آسیا هیوادونو ته ترانزیت مالونه یوسی او فکیستانی مالونه له دوی نه وانه خلی ، نو بیا به ورمعلومه شی چې د دوی ټولی فابریکی په ټپه دریږی ، کرنیز محصولات یی خوسا کیږی . له همدې امله کله نوازشریف تیلیفون کوی، کله لوړپوړی پلاوی رالیږی او کله امریکا او نورو هیوادونو ته عذر او زارۍ کوی .
    اوس نو افغان چازواکو ته لازمه ده چې له یوه جدي ، قوي او مناسب دیپلوماتیک موقف نه د فکیستان په مقابل کې خپل دریځ غوره کړی.

  2. ډاکتر علی ګل انتظار Reply

    د افغانستان له چارواکو څخه هیله کیږی چی د پا کستان دوه مخی سیاست پروړاندی ډیر هوښیار اوسیږی او بیا
    تش په وعدو ونه غولیږی

Leave a Reply to حسن Cancel reply

Your email address will not be published. Required fields are marked *