Categories

اعلان

Loading…

د فانتا بوتل/ همایون نایل

د طالبانو رژیم نوی نړېدلی و، د موقتې ادارې هم تازه وختونه ول، د تورخم- جلال اباد او یا کابل- جلال اباد په لاره به هغه موټروانان چې پخوا به یې اوږدې ږیرې، خرېیلی سر او لونګۍ په سر درلوده، دا وخت مخونه سپین سپالغ اړولي او خړ پکولونه یې په سر کړي ول.

د طلبانو یوازې نوم پاتې و، هرې خوا ارامه ارامي وه، چا به په چا کار نه درلود، ځای، ځای به د طالبانو د دورې بر 2عکس سندرې هم اورېدل کېدې.

د ښار په زیاته برخه کې د حضرت علي او ګل کریم قومنده چلېده، د دوی خلکو به چې چاته اوږه ښکته کړه، د چا پلار به پرې بله نه کړه، ښه خلک ول؛ خو یو کار یې دا ښه نه و چې په وړه خبره به یې وهل ډبول کول.

وروسته نورو قومي او جهادي مشرانو هم سرونه راپورته کړل؛ خو مهمه دا وه چې د لارې پاټکونه، له طالبانو وروسته چاته پاتې ول؟ هغه همدا د دره نور او نورستان له څڼورو سره ول.

پراخمنسټی هغه کلیمه وه چې تر اوسه مې اصلاح کړې نه ده؛ خو د ډېرو خلکو په خوله وه، یو او بل ته به یې د پراخمنسټۍ د دورې له رارسېدو ویل؛ ځینو لوستو خلکو به بیا د ډیموکراسۍ او آزادۍ خبرې کولې؛ خو زه پرته د ازادۍ له کلمې په نورو نه پوهېدم.

یاده اصطلاح ان تر پاکستان او عربستان پورې رسېدلې وه. له هېواده بهرمېشتو به دا فکر کاوه چې ګوندې اوس به د اسلامي امارت او پنجابیانو هغه کش وفش، ظلم او زور پای ته رسېدلی وي، اوس به نو آزادۍ د تندیو ګونځې اوارې کړې وي، له مودو وروسته به د سولې وزرې خورېدلې وي، نیستي به په هستۍ او وچکالي به په اورښتونو بدله شوې وي.

دا انګېرنې هم پر ځای وې؛ ځکه، کله چې حامد کرزی د موقتې ادارې رییس وټاکل شو، خدای شته ډېر بارانونه وشول، په ژوند کې مې د لومړی ځل لپاره د واورې اورښت ولید، د ټوپکو د مرمیو غږونه اوس نه اورېدل کېدل، پنجابیانو هم نور تور مخونه پناه کړي ول، د عربانو او پنجابیانو په لاس جوړ شوي امارات ماتې خوړلې وه؛ خو ظلم لا ورک شوی نه و.
په همدې کال د افغانستان د آزادۍ جشن ونمانځل شو، ننګرهار ته د کرزي راتګ، د ښونځیو د زده کوونکو، ورزشي لوبغاړو او نورو ځوانانو، د داسې مشرانو د راتګ په موخه د سړکونو دواړو غاړو ته د ښه راغلاست تمثیل کول، هره ورځ په ښوونځیو کې ترانې ویل او تمثیلي پارچې چې د ژوند مالګه یې برابروله،اصلي ژوند بلل کېده.

له ګاونډي پاکستان څخه تازه د افغان کډوالو په خپله خوښه هېواد ته راستنېدل پیل شول، هر ورځ به یوه، دووه کورنۍ د هېواد په لیدو حېرانېدې او راتلې به.

هغه وخت د ماسپښین دورې زده کوونکی وم، تازه له ښوونځي رخصت شوم، یوه کورنۍ چې د کور اسباب یې په پاکستاني (نشان) موټر کې چې دلته مو ورته راکېټ وایه بار کړي وو، لیدو یې هڅې خوند را کاوه، په دې نه پوهېدم چې د دوی راتګ زموږ د هېواد د ابادۍ او سوکالۍ لپاره ګټور دی؛ خو په موټر کې د بار رنګارنګ سمانونو، د فارمي چرګوړو او نورو لیدو خوښي را کوله.

هغوی د کوکاکولا، پیپسي او فانتا ډېر شوقیان ول، په کلدارو چې هغه وخت یې ډېر ارزښت درلود، داسې نوشابې را نیولې او نوشي جان کولې. ښه مې په یاد دي، د نشان موټر په جنګله کې یو ماشوم چې ځونډيداره، سره خولۍ یې په سر وه، په ناطاقتۍ یې د فانتا بوتل غوښت، د هغې چيغې او کشمکش راته داسې جالب و چې بلا خوند مې ترې واخیست او داسې مې غوښتل چې فانتا ورته له دوګانه غلا کړم؛ خو ښه وه چې پلار یې خوله ور بنده کړه، دوه درې ګووټه یې نه و کړي چې بوتل یې له لاسه ولوېد، ژېړ شربت مې په سپینو جامو چې د جشن لپاره مې اغوستې وې، را توی شو، ځان ته مې کتل؛ خو د هلک چیغو او بغارو سخت خوند را کړ. هغوی لاړل، خدای خبر شپه به یې چېرته کړي وي، اندېښمن خو ورته ځکه نه وم، چې که په هر ځای کې پرې شپه راغلې وي، باک نه کوي، هغوی ته هیڅوک هم څه نه وايي. د خپلو ځمکو تر څنګ به یې کولای شول، د ملګرو او ان د پردیو په ځمکو کې تر میاشتو او کالو پورې ژوند تېراوه؛ خو هغه هغه وخت و؛ اوس وخت اوس وخت دی.

دا دی په خپل یا په بل زړه؛ خو داځل کډوال له ربړونو وروسته راځي، داځل هغه طالبان او پنجابیان نه؛ بلکې د دوی په ګډون داعشیان، اختطاف چیان او داسې نور مالوم او نا مالوم جنګیالان شته چې اوس کډوال شپه په لار نه شي کولای، ان ممکن د دوی په منځ کې داسې کسان پاکستان پیچکاري کړي وي چې زموږ ناچاره حکومت به یې چاره ونه شي کولای او په رڼا ورځ به یې په ستوني چاړه تېره کړي.

اوس به دې کډوالو ته پردۍ ځمکې څه چې ان خپلې ځمکې هم ورنه کړل شي، اوس به هم حیران وي؛ هغه د فانتا بوتل نشته، چې ماشومان ورپسې وژاړي، اوس هر څه بدل شوي دي.

زه هم لوی شوی یم، د فانتا د بوتل لپاره د ماشوم چیغو ته نه خاندم، له هغوی خوند نه اخلم او ان دومره لوی شوی یم چې پرېشو او پرېکړو ته مې هم پام نه بدلېږي، زه اوس له غمونو، دردونو، د ورڼو له مړو او جنازو سره اموخته یم، اوس نه خاندم، نه ژاړم، نه خوند لرم او نه ژوند لرم.
خدای مو راوله

259 total views, 1 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

 تر استقلال وروسته په افغانستان کې اقتصادي او عمرانی چارې…

د افغانستان د خپلواکۍ د ترلاسه کولو د سلمې کلیزې په مناسبت: پوهاند محمد بشیر دودیال مقدمه خپلواکي  یواځې د هغې د معنوی…

 تر استقلال وروسته په افغانستان کې اقتصادي او عمرانی چارې او ریفورمونه

21 Jul 2019 خپلواکي کالمونه مقالې تاند Comments (1)

نور

افغانستان ولمانځو که خپلواکي؟ د اکمل داوي

 دا اوونۍ ګڼو افغانانو له انګریز ښکیلاک نه د افغانستان د خپلواکۍ د اعلان ۹۶ کلیزه په خورا شور ونمانځله.…

افغانستان ولمانځو که خپلواکي؟ د اکمل داوي

20 Aug 2015 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

پاچا امان اله، د دوه ښکېلاکګرو هېوادونو په مينځ کې

ستادشهسوارسنګروال برېتانیا له یوې خوا پدې پوهېده چې اوس یې به نورو ستونزو او وسوسو سربېره په سیمه کې افغانستان ته…

پاچا امان اله، د دوه ښکېلاکګرو هېوادونو په مينځ کې

15 Aug 2019 خپلواکي مقالې تاند Comments (1)

نور

په افغانستان کې له خپلواکۍ وروسته اداري ریفورمونه او نور…

پوهاند محمدبشیر دودیال سریزه    په ۱۹۱۹م. کال کې  افغانستان د  امان الله خان تر مشرۍ لاندې، د افغانستان د زړور ملت په…

په افغانستان کې له خپلواکۍ وروسته اداري ریفورمونه او نور مترقي پروګرامونه

16 Jul 2019 ټولنیز علوم خپلواکي کالمونه تاند No comments

نور

حکومت د بیګاني خونړي برید له کبله د خپلواکۍ د…

تاند، یکشنبه، د اسد ۲۷مه: تاند ته د ارګ یوې مؤثقې سرچینې د ورکړیو معلوماتو په اساس د کابل شهر…

حکومت د بیګاني خونړي برید له کبله د خپلواکۍ د سلمې کلیزې جشن وځنډاوه

18 Aug 2019 خبرونه خپلواکي م. عاصم خوږیاڼی No comments

نور

حکومت د خپلواکۍ سلمه کلیزه په ۳۸۴ میلیون افغانیو نمانځي

تاند نیوز ډیسک: افغان حکومت مالیې وزارت ته امر کړی چې د خپلواکۍ د بیا ګټلو سلمې کلیزې نمانځنې لپاره…

حکومت د خپلواکۍ سلمه کلیزه په ۳۸۴ میلیون افغانیو نمانځي

24 Jun 2019 خبرونه خپلواکي م. عاصم خوږیاڼی Comments (2)

نور

خپلواکي او ازادي (Independence and Freedom)

 اسدالله نورزی     هر کال چې د خپلواکۍ د لمانځلو ورځ رانږدې شي نو په ځوانانو کې په پراخه توګه بحثونه…

خپلواکي او ازادي (Independence and Freedom)

19 Aug 2018 خپلواکي مقالې تاند No comments

نور

خپلواکي او ترشا یې لوی مکتب | سیف بېژن

شاه امان الله له هغې ورځې چې د افغانستان خپلواکي یې له انګلېس څخه د سختو جګړو او مبارزو وروسته…

خپلواکي او ترشا یې لوی مکتب | سیف بېژن

19 Aug 2017 خپلواکي مقالې تاند No comments

نور

خپلواکي څه ده؟/څېړنوال عبدالغفور لېوال

خپلواکي له کلي مفهومه تر جزیاتو لږ ترلږه دغه څلور معادل مفاهیم په انګریزۍ کې شته : استقلال ، خود ارادیت ،…

خپلواکي څه ده؟/څېړنوال عبدالغفور لېوال

26 Aug 2016 بدلون خپلواکي تاند Comments (2)

نور

خپلواکي/ ليکوال : محب الله آرمل

د زمري اته ويشتمه د افغانستان د خپلواکۍ ورځ ده، له نن نه ۹۶ کاله وړاندې په ۱۲۹۸ لمريز کال…

خپلواکي/ ليکوال : محب الله آرمل

19 Aug 2015 خپلواکي مقالې تاند No comments

نور
  • 1
  • 2