Categories

اعلان

Loading…

افغان امنیتي ځواکونو په کوټ ولسوالي کې د داعش مرکزونه ونیول

تاند- افغان امنیتي چارواکي وايي چې د ننګرهار په کوټ ولسوالي کې یې د داعش یا اسلامي دولت د وسله والو سختدریځو یو لوی مرکز نیولی دی.

د ننګرهار ولایتي اداره هم د افغان امنیتي خواکونو له لوري د دغه مرکز د نیولو خبر تاییدوي او وايي چې افغان ځواکونو د داعش غړیو ته درنې مرګ ژوبلې اړولي دي.

ویل شوي چې په دغه مرکز کې د داعش ډلې پوځي اډه، د تروریستي زده کړو مرکز، محکمه او نورې ادارې شاملې دي.

د داعش محکمه

د داعش محکمه

د ننګرهار د والي ویاند عطا الله خوږیاڼی وايي چې په دغه مرکز کې، چې افغان ځواکونو نیولی دی، د داعش غړیو ماشومان د تروریستي فعالیتونو لپاره روزل.

د ده په وینا داعش په دغه مرکز کې یو مجهز کلینیک هم جوړ کړی او پرمختللي طبي وسایل یې پکې ځای پر ځای کړي دي.

د ننګرهار د والي د ویاند په وینا په کوټ کې د داعش د مرکز د نیولو په عملیاتو کې د دې ډلې مرستیال قوماندان سعد اماراتي هم وژل شوی دی.

سعد اماراتي په کوټ ولسوالي کې د داعش ډلې د ټولو چارو مشري په غاړه لرله.

سعد اماراتي په کوټ ولسوالي کې د داعش ډلط مشري کوله

سعد اماراتي په کوټ ولسوالي کې د داعش ډلط مشري کوله

د دولتي چارواکو په وینا سعد اماراتي پخوا په لوګر کې د طالبانو قوماندان و او عموماً یې له بهرنیو جګړه مارو سره سروکار درلود. د ملا عمر د مړینې له اعلانه وروسته سعد اماراتي داعش ته واوښت او ننګرهار ته لاړ.

له دې جلا افغان امنیتي ځواکونو په اچین ولسوالي کې هم د داعش پر ضد پراخ عملیات کړي او ویل کېږي چې د دې سختدریځې ډلې نژدې ۱۲۵ غړي یې وژلي دي.

د ننګرهار امنیه قومانداني وايي چې سعد اماراتي پرون ماښام ۶ بجې د کوټ ولسوالي په سرای بازار سیمه کې له ځانګړو ځواکونو سره په مخامخ جګړه کې له خپلو یو شمېر ملګرو سره یوځای ووژل شو.

401 total views, 1 views today

1 comment

  1. سلیمان Reply

    دا خو یو نیک ګام او ستر بری دی. افغان امنیتي ځواکونو ته دې الله تعالی بری ورکړي چې د ټولو مظلومو خلکو بدل ترې واخلي او دا وحشي ډله په ټول هیواد کې نابود کړي. امنیتي ځواکونه باید د کوټ سره نزدې په نورو ولاسوالیو کې هم دوی تعقیب او نابود کړي، ځکه ددې ډلې جلب او جذب او اکمالونکي اکثره په مهمندرې ولسوالۍ کې دي او په ښکاره ډول فعالیت کوي.

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2