Categories

اعلان

Loading…

د پاکستان لوی درستیز له امریکايي قوماندان سره د سولې په برخه کې پر همکارۍ خبرې وکړې

تاند- د پاکستان لوی درستیز راحیل شریف په افغانستان کې د غوڅ ملاتړ د ماموریت له عمومي قوماندان جنرال جان نیکلسن سره د افغانستان د سولې په باب د همکارۍ پر بیا پیلولو خبرې وکړې.

پاکستاني رسنۍ وايي، امریکايي قوماندان جان نیکلسن، چې پاکستان ته په سفر تللی، پرون/چهارشنبه/ له راحیل شریف سره د افغانستان – پاکستان ترمنځ د ډیورند کرښې په اوږدو کې د پاکستان د پولې د مدیریت (باډر منجمینټ) او په افغانستان کې د سولې او پخلاینې پر لرلید خبرې وکړې.

دا وروسته له دې چې ولسمشر بارک اوباما په افغانستان کې د امریکايي پوځیانو د شمېر د کمولو اعلان وکړ او د امریکا په کانګریس کې د افغانستان په جګړه کې د پاکستان پر منفي رول بحثونه وشول، پاکستان ته د جنرال نیکلسن لومړنی سفر دی.

پاکستاني رسنۍ وايي، په افغانستان کې د پېښور د پوځي ښوونځي د اصلي طراح عمر نري وژل کېدا او د پاکستان د پوځ د لوی درستیز له لوري د پاکستان استخباراتي ادارو ته دا امر چې د هغو کسانو پر ضد اقدام وکړي چې په افغانستان کې د جګړې لپاره د پاکستان خاوره کاروي، د همکاریو یوه نوې زمینه برابره کړې ده.

د پاکستان لوی درستیز د وارسا د غونډې په درشل کې وویل چې خپلو استخباراتي ادارو او ټولو قوماندانانو ته یې امر کړی چې نور هغه طالبان وځپي چې د پاکستان له خاورې څخه په استفادې په افغانستان کې بریدونه کوي خو تراوسه پوري د هیڅ طالب پر ضد پاکستاني پوځیانو اقدام نه دی کړی.

د پاکستاني رسنیو په وینا دواړو جنرالانو د پاکستان او امریکا د وروستیو خرابو اړیکو، د بارډر منجمینټ په برخه کې له امریکا څخه د ملاتړ د غوښتنې، د څه باندې یو ملیون افغان کډوالو د ژر ستنېدو ، په افغانستان کې د پاکستاني طالبانو پر ضد  د عملیاتو او په پاکستان کې افغان طالبانو ته د پناه نه ورکولو په باب خبرې وکړې.

377 total views, 3 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2