Categories

اعلان

Loading…

اروزګان د طالبانو لاس ته د لوېدو له خطر سره مخامخ دی

په اروزګان کې خلک او د ولایتي شورا غړي خبرداری ورکوي چې که مرکزي حکومت فوري توجه ونه کړي دا ولایت ممکن د دولت د وسله والو مخالفانو لاس ته ولوېږي.

تاند- د اروزګان د ولایتي شورا غړي محمد ظاهر نادري وویل، اروزګان ولایت د سقوط په درشل کې دی، طالبان د سیمو لاندې کولو ته دوام ورکوي.

نادري زیاتوي، طالبان اوس د اروزګان ولایت تقریباً نیمايي برخه په کنټرول کې لري او په پاتې نیمه برخه کې له افغان امنیتي ځواکونو سره په سخته جګړه کې ښکېل دي.

د نادري په وینا د اروزګان امنیتي ځواکونه مرستې ته اړتیا لري.

د اروزګان د والي ویندوی دوست محمد نایاب د طالبانو لاس ته د اروزګان ولایت د لوېدو احتمال رد کړ، ویې ویل چې افغان امنیتي ځواکونه د ولایت او ولسوالیو پر مرکزونو او مهمو لارو بشپړ کنټرول لري.

په مې میاشت کې د پولیسو یوه قوماندان د اروزګان – کندهار د لویې لارې پوستې طالبانو ته پرېښودې خو وروسته افغان امنیتي ځواکونو له څو اوونۍ سختو جګړو وروسته بېرته ونیولې.

د اروزګان اوسېدونکي وايي، حکومت ټول پام د هلمند جګړو ته اړولی او طالبانو له دې فرصته په استفادې په اروزګان کې حملې تېزې کړي دي.

230 total views, 2 views today

Leave a Reply

Your email address will not be published. Required fields are marked *

۸