Categories

اعلان

Loading…

په ترکیه کې کودتا روانه ده

تاند – د ترکیې حکومتي چارواکي د استخباراتو د مشرانو په وینا خبر ورکوي چې دوی د ولسمشر رجب طیب اردوغان پلوي اعلان کړې. حکومتي چارواکي په انقره کې د کودتا کوونکو د یوې هیلکوپتر  د غورځیدو خبر ورکوي.

رویټرز اژانس د ترکې د صدراعظم په وینا خبر ورکړ چې حالات څه ناڅه کنټرول شوي دي خو نور راپورونه او تصویرونه په انقره او استانبول کې د ګډوډ حالت څرګندونه کوي.

د انقرې د پولیسو په مرکز کې د ۱۷ پولیسو د وژل کیدو خبر ورکړل شوی دی.  ځینو پوځیانو د رجب طیب اردوغان په مشرۍ د منتخب حکومت د پلوي اعلان کړی دی. ځانګړیو ځواکونو په انقره کې د کودتا کوونکو د نیولو خبر ورکړی دی.

د ترکیې ولسمشر وایي، کودتا له پوځه بیلې شوې ډلې کړې ده. د امریکا ولسمشر بارک اوباما وویل چې ټولې ډلې باید په ترکیه کې د منتخب حکومت پلوي وکړي.

د استانبول هوایي ډګر تړل شوی دی. د ترکیې ولسمشر له خلکو غوښتي دي چې لارو کوڅو ته راووځي د استانبول ستر پُل چې له اروپا سره تړل شوی دی پوځیانو بند کړی دی. په استانبول او انقره کې ډزې او چاودنې اودریدل کیږي.

Leave a Reply

Your email address will not be published. Required fields are marked *