Categories

اعلان

Loading…

زرمت ولسوالي نوره هم تباه کوئ؟!/ ملا محمد حليم زرمتی

د جمعه خان همدرد د ولايت او حاکميت پر مهال د پکتيا يوه لويه ولسوالي(زرمت) د ځايي حکومت او وسله والو له لوري تر دې حده وځپل شوه، چې د پرمختګ هيڅ کار خو پکې ونه شو، چې په نږدې هر دويم کور کې د غم کټوې باندې شوې. وسله والو طالبانو پکې اکثريت د کار خلک د جاسوس په نوم شهيدان کړل او د بهرنيو ځواکونو د خپل سريو عملياتو له کبله يې هم اکثريت باسواده ځوانان وځورول شول، چې هيڅ ګناه يې تر اخره معلومه نه شوه.

د نصرت ارسلا د ولايت له لوري هم يادې ولسوالي ته هيڅ توجه نه کېږي، بلکې لا خلک يې په يو او بل نوم ځورول کېږي، د دې بې کفايته والي له لوري هم په دې ولسوالي کې ګڼې ستونزې رامنځ ته شوې دي.

په دې جنګ ځپلې ولسوالي کې اوس هم د ځايي حکومتي مشرانو او د وسله والو طالبانو د قومندانانو شخصي ګټې خوندي دي، چې تر اوسه د همدې ګټو په خاطر د جنګ لمبې پکې تازه ساتل شوې دي.

لومړی خو دا چې د والي، امنيه قوندان، د پارلمان وکيلانو، د ولايتي شورا د استازو، د سنا مجلس د استازو د دې ولسوالۍ په خيالي امنيتي ځواکونو، ښوونکو او اداري مامورينو کې سهم دی، چې دوی نه غواړي، په دې ولسوالي کې امن راشي او اوبه رڼې شي.

پکتیا

پکتیا

دويمه وجه يې دا ده، چې د ګردېز ـ غزني او ګردېز ـ پکتيکا لويې لارې له همدې ولسوالي تېرې شوې دي، چې د لارې په اوږدو کې له شلو زياتې امنيتي پوستې دي او دا هره امنيتي پوسته له لويو بار وړونکو موټرونو څخه پيسې اخلي، چې امنيتي چارواکې له همدې کبله هم نه غواړي، په دې ولسوالي کې امن راشي.

درېيمه لويه وجه يې دا ده، چې د ولسوالي په مرکز او ښارګوټي کې د اداري مامورينو، ولسوال او امنيتي کسانو لپاره د چور او تالان ښه زمينه برابره ده. دوی هر ډول فساد کوي او وخت تېروي.

څلورمه لويه وجه يې دا ده، چې دا لويه ولسوالي هيڅ غمخور نه لري. په سنا مجلس کې يوازې د وکيل باز په نوم تش په نوم يو مشر لري، چې کور يې په پاکستان کې دی او د افغان حکومت په پرتله کېدای شي، پاکستان ته ډېر ژمن وي.

پنڅمه لويه وجه يې دا ده، چې په زرمت غوندې ولسواليو کې د بهرنيو ځواکونو د (جنګي دوام) پروژه په ښه برياليتوب تر سره کېږي.

دا خو د افغان حکومت اړوند لوی لاملونه دي، چې دې ولسوالي ته پام نه کوي، وسله والو طالبانو دا ولسوالي د مرګ تر حده ځپلې، چې ځينې لاملونه د هغو اړخ ته هم شته، چې په دې ولسوالي کې خپلې ګټې خوندي کړې دي او نه غواړي، دا ولسوالي په اساني پرېږدي.

لومړی لوی لامل دا دی، چې دا ولسوالي د طالبانو د مبتذلو فکرونو د روزنې لپاره يو ښه بستر دی، هغوی هغه خلک وژلي، تهديد کړي او فرار کړي، چې د دوی د ناوړه کړنو مخالفت يې کاوه نو د دوی په مقابل کې هيڅ خنډ نشته.

دويم لوی لامل دا دی، چې طالبان د ذکات، عشر او نورو نومونو پر اساس ميلونران شول. هغوی چې له هر چا هر څه غواړي، څوک يې په مقابل کې نشته، چې د دوی د کړنو مخالفت وکړي او شتمن خلک يې ټول دوی زبېښي، دا وخت د غنمو د حاصلاتو را ټولولو وخت دی، چې طالبان به د تېر کال په څېر له هره کوره شپږ منه غنم په جبر توګه وړي.

درېيم لوی لامل يې دا دی، چې ځوانانو ته وزګارتيا همدا يوه لاره پرې ايښې، چې بايد له طالبانوسره يو ځای شي.

څلورم لوی لامل يې دا دی، چې وسله وال طالبانو له همدې مرکزي ولسوالي څخه د پکتيا، پکتيکا، غزني، لوګر او خوست جبهيې تمويلوي، چې دا يې ما ته تر ټولو لوی لامل ښکاري.

طالبانو دې ولسوالي ته کوم زيانونه اړولي: معارف په بشپړه مانا د طالبانو په اختيار کې دی او ځايي حکومت هم ورته خاص پام نه کوي. د ولسوالي په ټولو ساحو کې د دوی د فرمان لاندې خلک ژوند کوي، چې خپلې شخصي ګټې دوی په همدې طريقه پالي. هغوی چې په طالبانو کې واک او ځواک لري، له خپلو تربورانو په اسانۍ انتقام اخلي.

زموږ غوښتنې:

لومړی خو دې ولسمشر دې ولسوالي ته ځانګړی پام وکړي، هغه ستونزي، چې د هيواد په هيڅ ګوټ کې نشته، په دې ولسوالي کې شته او خلک يې د ژوند کولو هيڅ لاره نه لري نو ښه دا ده، چې ولسمشر ورته خاص پام وکړي.

له وسله والو طالبانو مو هم غوښتنه دا ده، چې نور دې دا مظلوم خلک نه ځوروي، نور دا خلک د وژلو او تهديد او وېرې هيڅ توانايي نه لري، هغه کونډي، هغه يتيمان… چې د دوی د جهادي جذبو په غوبل کې سلګي وهي، بس دي…

درېيمه غوښتنه مو له نصرت الله ارسلا ده، چې بايد دې ولسوالي ته ځانګړی پام وکړي، د جمعه خان همدرد پاليسي دې نه تعقيبوي، خلکو ته دې يو څه د خير رسولو اراده ولري، د لويې لارو د جوړېدو پيسې دې کورونو ته نه وړي.

448 total views, 2 views today

1 comment

  1. حکمت الله Reply

    دا ليکنه د زرمت ولسوالي په باره کې يو رښتينی حقيت دی، موږ د همداسې حقايقو د خپرېدو په اميد يو.

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور

فرخنده باد صدمین سالگرد استرداد استقلال افغانستان

استاد عارف نظر صدسال پیش از امروز مردم آزاده افغانستان، ثمره جانبازی ها، قهرمانی ها و مبارزات استقلال طلبانه فرزندان خویش…

فرخنده باد صدمین سالگرد استرداد استقلال افغانستان

20 Aug 2019 خپلواکي مقالات دری تاند No comments

نور

د غازي امان الله خان سل ارمانونه

1.        افغانستان منظم مالیاتي سیستم ولري 2.      افغانستان قوی مالي نطام ولري 3.      افغانستان خپلې پیسې ولري 4.      افغانستان خپل تولیدات ولري 5.      افغانستان خپله بريښنا ولري 6.      افغانستان توکي ټولې…

د غازي امان الله خان سل ارمانونه

19 Aug 2019 خپلواکي مقالې تاند No comments

نور

 بیست و هشت اسد؛ روز استقلال کشور! | توفیق عظیمی

بیست و هشتم اسد، حماسه یک روز، افتخار جاویدان، روز استرداد استقلال کشور است، که از آن ۱۰۰ سال میگذرد. در بیست و…

 بیست و هشت اسد؛ روز استقلال کشور! | توفیق عظیمی

19 Aug 2019 خپلواکي مقالات دری مقالې تاند No comments

نور

د خپلواکۍ فکر | معروف افغان

ازادي او خپلواکي، دوه جلا مفاهیم افاده کوي او لازمه ده چې جلا جلا چلندونه ورسره وشي. د ازادۍ په…

د خپلواکۍ فکر | معروف افغان

18 Aug 2019 خپلواکي مقالې تاند No comments

نور

بلخي نجلۍ او ځوان د خپلواکۍ په ورځ په اماني…

تاند، دوشنبه د اسد ۲۸مه: په بلخ کې یوې ناوې او زوم د خپلواکۍ د سلمې کلیزې له ورځې سره…

بلخي نجلۍ او ځوان د خپلواکۍ په ورځ په اماني کالیو کې واده وکړ

19 Aug 2019 خبرونه خپلواکي م. عاصم خوږیاڼی Comments (1)

نور

طالبانو بغلان کې د خپلواکۍ سلمه کلیزه نمانځلې ده

تاند، دوشنبه، د اسد ۲۸مه: طالب ویاند ذبیح الله مجاهد وایي، جنګیالیو یې نن تر خپلې ولکې لاندې ځینو سیمو…

طالبانو بغلان کې د خپلواکۍ سلمه کلیزه نمانځلې ده

19 Aug 2019 خبرونه خپلواکي م. عاصم خوږیاڼی Comments (1)

نور

د خپلواکۍ لمانځل څه ګټه لري؟

لیکنه: نورالله غازي هیوادونه د خپلواکۍ په لمانځلو سره خپلو خلکو ته بیا بیا وریادول غواړي چې دا هیواد داسې په…

د خپلواکۍ لمانځل څه ګټه لري؟

19 Aug 2019 خپلواکي مقالې تاند No comments

نور

غازي امان الله خان ته | ګل آغا احمدي وردګ

رښتیا هم چې تا سل کاله مخکې په نره توره د افغانستان آزادي له اشغالګرو انګرېزانو څخه بېرته واخیسته او…

غازي امان الله خان ته | ګل آغا احمدي وردګ

19 Aug 2019 خپلواکي مقالې تاند No comments

نور

د افغانستان د خپلواکۍ ستونزمن مزل

لیکنه: محمد نور الهام افغانان د ۲۰۱۹ کال د آګسټ په ۱۹مه چې د ۱۳۹۸ ل ل د زمري له ۲۸مې…

د افغانستان د خپلواکۍ ستونزمن مزل

19 Aug 2019 خپلواکي مقالې تاند No comments

نور
  • 1
  • 2