Categories

اعلان

Loading…

په سویډن کې د برقي موټرو لپاره لویه لار جوړېږي

تاند- په ډېرو لویو ښارونو کې د ښاري خدماتو لپاره د برقي بسونو او ترمونو لپاره ځانګړې لارې وې خو اوس سویډن د لویو ترانسپورتي موټرو لکه لاریو او کانتینرونو لپاره لویه لار جوړوي.

سویډن غواړي چې په دې توګه د هوا د ککړتیا له مخنیوي سره مرسته وکړي.

دا هیواد په پام کې لري چې تر ۲۰۳۰ م کال پوري په تېلو د چلېدونکو موټرو دوره پای ته ورسوي. د برقي موټرو لپاره د لویې لار جوړول دغه هدف ته د رسېدو لپاره د سویډن یو لوی ګام ګڼل کېږي.

دا لویه لار، چې (eHighway) اي هايي وې یا برېښنايي لویه لار نومېږي، د جرمني د زیمینس کمپنۍ په همکارۍ اجرا کېږي.

   د دې پروژې په لومړني ګام کې به د پلازمېنې ستوکهلم په شمال کې ۲ کیلومتره لویه لار جوړه شي.

په همدې حال کې په نړۍ په تېره بیا د سویډن په شمول په سکانډنیاوي هیوادونو کې برقي موټرونه مخ په زیاتېدو دي. دا موټرونه بیا په چارجېدونکو بېټریو چلېږي.

69 total views, 1 views today

Leave a Reply

Your email address will not be published. Required fields are marked *