Categories

اعلان

Loading…

د ناټو له ملکي سفیر سره د وارسا پر غونډه د اجرايي رييس خبرې

خبرپاڼه –

تاریخ: 13 سرطان 1395

کابل افغانستان : د افغانستان د اسلامي جمهوریت اجرائیه رئیس ډاکټر عبدالله عبدالله نن د افغانستان لپاره د ناټو سازمان له ملکي استازي اسماعیل اراماز سره ولیدل.

په دغه لیدنه کي د رواني جولای میاشتي پر ۸مه او ۹مه د پولینډ په وارسا کي د ناټو د غړو هیوادونو پر راتلونکي غونډي او د افغانستان پر امادګيو بحث وسو.

اجرائیه رئیس ډاکټر عبدالله عبدالله وویل، چي افغان حکومت په امنیتي او دفاعي برخو کي له کاملي امادګۍ سره د ناټو راتلونکي سرمشریزي ته ځي او هیله لري، چي هلته د تعهد اوږدمهالی ملاتړ تر لاسه کړي.

هغه زیاته کړه، چي حکومت په امنیتي او دفاعي برخو کي د اصلاحاتو پروسه هم په ښه ډول مخته وړې او په دې برخه کي د خپلو تعهداتو عملي کېدو ته ژمن دی.

د ناټو ملکي نماینده اسماعیل اراماز وویل، چي د ناټو غړي هیوادونه د اوږدې مودې لپاره له افغانستان سره خپلو همکاریو ته ژمن دي.

نوموړي زیاته کړه، چي د وارسا غونډه د افغانستان او ناټو سازمان ترمنځ د پوځي همکاریو د راتلونکي لپاره فوق العاده مهمه ده او کار کيږي، چي هلته په نظامي برخو کي د نړۍ تعهد تر لاسه سي.

د ښاغلي اراماز په وینا، چي له دوی له اړوندو افغاني ادارو سره د امادګیو او پلانونو په مرحله کي کار کړی او هر اړخیزه امادګي نیول سوې ده.

26 total views, 1 views today

Leave a Reply

Your email address will not be published. Required fields are marked *