Categories

اعلان

Loading…

م.م. هر ستنېدونکي افغان مهاجر ته ۴۰۰ ډالر مرسته ورکوي

تاند- د ملګروملتو د کډوالو لویې کمیشنرۍ اعلان وکړ هغو افغانانو ته د پخوا په پرتله دوه برابره مرسته ورکوي چې په خپله خوښه له پاکستانه افغانستان ته بېرته ځي.

د یو این ایچ سي آر لوی کمیشنر فلیپو ګراندي دا اعلان نن /چهارشنبه/ د سیمې درو هیوادونو، ایران، افغانستان او پاکستان ته د سفر په پای کې وکړ.

د ملګروملتو د لویې کمیشنرۍ له یوې اعلامیې سره سم ګراندي ویلي، د یوه فوري ګام په توګه د هر مهاجر افغان، چې په خپله خوښه افغانستان ته بېرته ځي، د مرستې اوسنۍ اندازه دوه برابره اعلانوي یعني سړي سر مرسته له ۲۰۰ ډالرو ۴۰۰ ډالرو ته لوړوي.

په اسلام اباد کې د ملګروملتو د کډوالو د لویې کمیشنرۍ یا یو این ایچ سي آر ویاند قیصر افریدي وویل چې افغان کډوالو ته د دوه برابره مرستې د ورکولو پروګرام به د جولای له میشاتې تطبیق شي.

د کډوالو لوی کمیشنر د پاکستان د وروستي سفر په لړ کې پاکستاني چارواکو ته ډاډ ورکړی چې په دغه هیواد کې له یو نیم ملیون افغان کډوالو سره به مرستو ته دوام ورکړي.

ویل کېږي چې د یو نیم ملیون راجستر شویو افغان کډوالو ترڅنګ شاوخوا یو ملیون ناراجستر شوي کډوال هم په پاکستان کې اوسي.

سږ کال تراوسه پوري څه باندې ۷ زره افغانان په خپله خوښه خپل هیواد ته ستانه شوي دي حال دا چې تېر کال ۵۸ زره افغان کډوال افغانستان ته بېرته راغلي ول.

د افغانستان حکومتونو په تېرو ۱۵ کلونو کې د کډوالو د بېرته راستنولو لپاره د پام وړ هڅه نه ده کړې.

په اسلام اباد کې د افغانستان سفیر حضرت عمر زاخېلوال وايي، د افغانستان حکومت په راتلونکو شپږو میاشتو کې په خپل هیواد کې د مهاجرو د ځای پر ځای کولو او سرپناه موضوع ته پام زیاتوي.

زاخېلوال دا هم وویل چې د افغانستان حکومت به په وارسا کې د ناټو په راتلونکې غونډه کې هم د مهاجرو مسله مطرح کړي.

د ډېرو کتونکو په باور تر څو چې مهاجر، په تېره بیا هغوی چې په پاکستان کې دېره دي، خپل هیواد ته نه وي راستانه شويو تر هغو به ترهګرې ډلې د وړیا او پرېمانه جنګي کسانو د موندلو له ستونزې سره مخامخ نه شي.

331 total views, 1 views today

2 comments

  1. نذیر احمد راحل Reply

    داخو دیر خه خبر دی
    اوس نو هر افغان زره غواری چی خپل هیواد ته ستون شی.

    دا پیسی به چیرته ورکوی?
    مطلب مونگ په چمن کی یو. چیری

  2. نذیر احمد راحل Reply

    پیسی به چرته ورکوی

Leave a Reply

Your email address will not be published. Required fields are marked *

۸