Categories

اعلان

Loading…

زاخېلوال: پاکستان د افغان کډوالو د هستوګنې موده ۶ میاشتې اوږده کړه

تاند- پاکستان په خپله خاوره کې د افغانانو د هستوګنې موده شپږ میاشتې وغځوله.

په اسلام اباد کې د افغانستان سفیر ډاکتر عمر زاخېلوال وايي، له پاکستاني چارواکو او سیاستوالو سره په پر له پسې غونډو کې یې هغوی دې ته وهڅول چې د جون له پای ته رسېدو سره د افغان کډوالو د ایستلو بهیر پیل نه کړي.

په اسلام اباد کې د افغانستان سفیر همداراز وویل چې له عمران خان، سرتاج عزیز او د پاکستان له مالیې وزیر اسحاق ډار سره په کتنو کې یې له هغوی وغوښتل چې د پاکستاني پولیسو له لوري د افغان مهاجرو د ځورېدو مخه ونیسي.

د جون په ډېرشمه په پاکستان کې د افغان کډوالو د هستوګنې موده پای ته رسېږي او پاکستان ویلي چې نور به دا موده تمدید نه کړي.

خو ښاغلي زاخېلوال نن وویل:«د پاکستان صدراعظم نوازشریف له لندنه د افغان مهاجرو د اقامت موده شپږ میاشتې نوره هم تمدید کړه.»

پرون / سې شنبه/ د خیبر پښتونخوا پولیسو تر ۲ زره زیات افغان کډوال ونیول.

مهاجر وايي چې پولیس یې کورونه تلاشي کوي، ځوروي یې، پیسې ترې اخلي او دوکانونه ورنړوي.

پاکتسان پر افغان کډوالو وروسته له دې فشار زیات کړ چې د دغه هیواد په خاوره کې د طالبانو مشر ملا اختر محمد منصور ووژل شو او ورسره سم یې په تورخم کې په صفري نقطه کې د دروازې په جوړولو پیل وکړ مګر د افغان امنیتي ځواکونو له لوري یې مخه ونیول شوه.

315 total views, 2 views today

3 comments

  1. سلیمان Reply

    زما په اند به دا ښه وي چې ددې په ځای چې پاکستاني چارواکو ته سوال وکړو چې مهاجر نه زوروي او یا یې نه راشړي، باید د هغوی د سر پناه لپاره په خپل هیواد کې امکانات برابر شي. هغه امکانات چې ملګري ملتونه پاکستان ته د مهاجرو لپاره ورکوي او یو څه د نورو نړیوالو څخه وغوښتل شي کیدی شي په همهغه امکاناتو هغوی په خپل هیواد کې خوندي شي. یو به په هغوی خپل هیواد اباد شي او بل چې ډير مهم دی دا جنګونه به بند او یا کم شي.

  2. حسن Reply

    د افغان مهاجرینو په بیرته راستنیدو او په عزت سره د هغوی ځای پرځای کول د افغانستان امنیتی مشکل اویا په سلو کې حل کوی. نور به فکیستان د هغوی له منځ نه خرمرګی ټالیب مرګی نه انتخابوی ، د خپلو ورونو په برکت به خپل هیواد بیرته آباد شی. د افغانستان دولت باید خپله ټوله توجه او پام د هغوی د راستنیدو لپاره ور واړوی. دا د افغانستان د دولت ، قانونی او حقوقي مراجعو ، د افغانستان د ولس مسوولیت او ذمه واری ده چی د خپلو هیواد والو غم کې ځان شریک او له هغوی سره مرسته وکړی.

  3. M. Hashim Reply

    زہ د پورتہ ذکر سوو شاغلو نظرانہ کاملا تاییدوم. ھر سومرہ ژر چی زموژ مھاجر او ھمدارنگہ۔ پہ ھیواد کی دننہ وطنوال خپلو کورونو او ھیواد تہ راوستل سی ھغومرہ بہ شہ وی. زکہ پہ خپل ٹاٹوبی او ھیواد کی لہ زحمت او ستونزو سرہ ژوند کول ڈیر شہ او با عزتہ دی۔ نسبت و دے تہ چہ د بیرحمہ او ظالم گاونڈی تر لاس لاندی تیریژی.

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور

د خپلواکۍ سلمه کلیزه دې بختوره وي| احسان ارینزی

د نړۍ په ټولو هېوادونو کې داسې عنعنوي، فرهنګي، دیني او ملي ورځې شته چې خلک او حکومتونه یې په…

د خپلواکۍ سلمه کلیزه دې بختوره وي| احسان ارینزی

21 Aug 2019 خپلواکي مقالې تاند No comments

نور

د خپلواکۍ د سلمې کلیزې په ویاړ نن شپه د…

تاند، چهار شنبه، د اسد ۳۰ مه: د کورنیو چارو وزارت اعلان کړه چې نن د اسد په ۳۰مه به…

د خپلواکۍ د سلمې کلیزې په ویاړ نن شپه د کابل پر ۳ غونډیو اورلوبه کېږي

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2