Categories

اعلان

Loading…

افغان چارواکي په پکتیکا کې د ۱۰۲ طالبانو د وژلو ادعا کوي

تاند- د پکتیکا ولایتي چارواکي وايي چې افغان امنیتي ځواکونو په یوه اوونۍ کې تر سلو زیات وسله وال مخالفان وژلي دي.

د پکتیکا ولایت د والي ویندوی نبي الله پیرخېل وايي چې د دغه ولایت د امنیتي او دفاعي ځواکونو د همږغۍ مرکز د معلوماتو له مخې د روانې جوزا یا غبرګولي له ۹ تر ۱۷ پوري د افغان امنیتي ځواکونو په تعرضي عملیاتو کې ۱۰۲ وسله وال مخالفان وژل شوي او ۵۵ نور ژوبل شوي دي.

پیرخېل دا هم ویلي چې د عملیاتو په لړ کې د وسله والو سختدریځو ډېره وسله د امنیتي ځواکونو لاس ته ورغلې ده. د پکیتکا د والي ویندوی د عملیاتو په لړ کې افغان امنیتي ځواکونو ته د مرګ ژوبلو یادونه نه ده کړې.

د تېرې اوونۍ د چهارشنبې په ورځ (۶ ورځې مخکې) د پکتیکا د والي ویندوی ښاغلي پیرخېل ویلي و چې افغان امنیتي ځواکونو په دوو ورځو کې ۵۶ وسله وال سختدریځي وژلي دي. له دې داسي ښکاري چې په ۱۰۲ تنو وژل شویو کې د تېرې اوونۍ د سې شنبې او چهارشنبې د ورځې ۵۶ تنه وژل شوي کسان هم شامل دي.

د ده په وینا په وژل شویو کسانو کې د طالبانو مشهور قوماندان حنظله هم شامل دی.

طالبانو تراوسه پوري په پکتیکا کې د خپلو کسانو د مرګ ژوبلو په اړه څه نه دي ویلي.

طالبانو پرون د روژې د مبارکې میاشتې په احترام د اوربند په اړه د ملګروملتو او د سولې د عالي شورا غوښتنه رد کړه.

په پکتیکا کې د حقاني شبکه، چې مرکز یې د دې ولایت په ګاونډ شمالي وزیرستان کې دی، زیاته فعاله ده. دا شبکه اوس د طالبانو د پوځي چارو بشپړ کنترول په لاس کې لري.

310 total views, 1 views today

1 comment

  1. جمشید تخت Reply

    طالبان چې دولس دملاتړ نه برخوردار ندي، خود به ټکول کیږي.

Leave a Reply

Your email address will not be published. Required fields are marked *


۸

د خپلواکۍ 100 کالیزه Independence

د ژبې، رسنیو او سیاست خپلواکي | عمر بورا زماني

خپلواکي یو لوی نعمت دی چې انسان د خپلی خوښی او فیصلو اختیار په خپله ولري. د خپلواکۍ برعکس غلامي…

د ژبې، رسنیو او سیاست خپلواکي | عمر بورا زماني

02 Sep 2019 خپلواکي مقالې تاند No comments

نور

پر (اماني فکر) څو کرښې| خالد افغان

(اماني فکر) د ښاغلي بخت مرجان بختيار صيب کتاب دی چې په لنډو ورځو کې خپور شوی دی. کتاب د…

پر (اماني فکر) څو کرښې| خالد افغان

24 Aug 2019 uncategorized خپلواکي تاند No comments

نور

د خپلواکۍ سليزه؛ لنډه کتنه

د سیمه ییزو او ستراتیژیکو مطالعاتو مرکز هغه جګړه چې امير حبيب الله خان ونه کړه، محافظه کاري يې وکړه…

د خپلواکۍ سليزه؛ لنډه کتنه

29 Aug 2019 خپلواکي مقالې تاند No comments

نور

 دارالامان ماڼۍ د ولسمشر په لاس او د شهزادګۍ هندیه…

تاند، چهارشنبه، د اسد ۳۰مه: ولسمشر د خپلواکۍ د سلمې کلیزې په ویاړ رغول شوې د دارالامان ماڼۍ په شاندارو…

 دارالامان ماڼۍ د ولسمشر په لاس او د شهزادګۍ هندیه په وینا پرانیستل شوه

21 Aug 2019 خبرونه خپلواکي م. عاصم خوږیاڼی No comments

نور
  • 1
  • 2