Categories

اعلان

Loading…

حکمتیار وايي، له حکومت سره به د ده د سولې پروسه ژر نهايي شي

تاند- د حکمتیار اسلامي حزب نن په یوه اعلامیه کې د افغانستان له حکومت سره د سولې پروسې ته خوشبیني ښکاره کړې خو په عین حال کې یې غوښتنه کړې چې د دې پروسې تر نهايي کېدو پوري یو څه صبر ته اړتیا ده.

حکمتیار ویلي« د روغي جوړي او مصالحې په اړہ هيله ده لږ صبر وكړئ، تر هغه انتظار وكړئ چي د حزب اسلامي او دولت تر منځ مذاكرات خپل منطقي پاى ته ورسېږي، دواړہ لوري تفاهمليك ته وروستۍ بڼه وركړي او لاسليك ته ئې چمتو كړي، د دواړو لورو له توافق وروسته به رسماً او په گډہ دوى خبر كړى شي. مه تلوار كوئ او مه د هغو كړيو د كركجنو تبليغاتو پروا كوئ چي شيطاني موخي لري او له سولي وېرېږي.»

ده د سولې د پروسې په وړاندې د منفي تبلیغاتو په غبرګون کې ویلي چې څوک باید د دغو تبلیغاتو تر اغېز لاندې را نه شي، دا پروسه به منطقي انجام ته ورسېږي.

په پاکستان کې د حزب اسلامي د دفترونو مشر پرون ازادي رادیو ته ویلي و چې د حکمتیار اسلامي حزب تر هغو د سولې موافقه نه لاسلیکوي چې د بهرنیو ځواکونو د وتلو مهالوېش نه وي اعلان شوی.

خو حکمتیار بې له دې چې د حکیم حکیم نوم واخلي تاکید کړی

ده له حکومت سره د خپل ګوند موافقه د اختلافاتو او رقابتونو د ختمولو لپاره بللې ده.

حکمتیار بې له دې چې د حکیم حکیم نوم واخلي تاکید کړی چې د حزب اسلامي د پلاوي مشر انجنير محمد امين كريم دئ، د مذاكراتو د پايلي په اړہ به د حزب رسمي دريځ د هغه له لوري اعلانېږي.

حکمتیار د سولې په اړه شکونه رد کړي دي« موږ ټولو لوريو ته؛ د هغو په شمول چي حزب ته رقيب او حريف په سترگه گوري او د سولي د روان بهير په ارتباط شكوك او شبهات لري او قصداً يا د ناپوهۍ له كبله د سولي له مخالفينو سره همغږي كوي؛ د دوستۍ لاس اوږدوو، اطمئنان وركوو چي دا توافق به د هيڅ افغان په خلاف نه وي، موږ د اختلافاتو او ناروا رقابتونو د ختمولو په موخه روغه جوړہ كوو نه د پاللو لپاره ئې، له ټولو د همداسي عزم او هوډ هيله لرو.»

سولې ته د حکمتیار له چمتوکېدو وروسته د طالبانو د ملا محمد رسول اخوند ډلې هم پرون وویل چې د افغانستان له حکومت سره د سولې خبرو ته تیاره ده.

65 total views, 1 views today

1 comment

  1. محمد داود یتیم یار Reply

    دپردی تر شاه پاکستان دخپل شیطانی لاس وهنو په اساس په پيښورکی دشمشتو کمپ مهاجرین اومجاهدین یرغمال نیولی پاکستان ای ایس ای نه پریږدی چی حزب امیر حکمتیارصاحب چی په افغانساتان کی کی اوسی او دپاکستان له اثررسوخ څخه ازاد اومستقل دی دسولی فیصله له افغان حکومت سره وکړی افغان حکومت ته پکار داده چی دحزب مهاجرین په ابرومندانه اوفوری توګه دهغه هیواد څخه وغواړی اوغم یی وخوری او هم دهغه چا خوله بنده کړی چی دحزب امیر پسی ناوړه تبلیغات کوی که حالت داسی وی چی دلته تخریب اوهلته دحزب مهاجرین دپاکستان دناسالمو سیاستونو ښکار اوتهدید لاندی واقع کیږی نو مشکله ده چی دحزب امیر محترم حکمتیار صاحب به دخپلو متعهدو مهاجرو حزبیانو په خاطرچی کورنی یی په پاکستن کی اوسی له افغان حکومت سره یوی سالمی روغی جوړی ته ورسیږی پاتی دی نه وی چی پاکستان په داسی وخت کی خپلو لاسوهنو ته زور ورکری چی پدی نژدی ورخو کی طالبانو مشر دامریکانو په لاس ووژل شو اوپاکستان پردغه پیښه خواشینی ښکاره کړی اودایی دخپل هیواد په خپلواکی دامریکا تیری وګاڼه اوورسره سم سرتاج عزیر دپاکستنان دامنیتی چارو سلاکار وویل چی دملامنصوروژل دسولی ټولی هڅی له ګواښ سره مخامخ کړی چی داسی یو ګواښ مونږ عملا ګورو چی پاکستان دحزب دمهاجرین څخه په ناواړه ګټه اوس غواړی دجزب سره دسولی مذاکرات ناکامی کړی اویاهم وځنډوی

Leave a Reply

Your email address will not be published. Required fields are marked *