Categories

اعلان

Loading…

په نوشکي کې د وژل شوي ټکسي چلوونکي ورور پر امریکا عرض وکړ

تاند- په بلوچستان کې د هغه ټکسي چلوونکي د وژلو په خاطر د امریکا خلاف رسمي شکایت درج شوی چې د طالبانو له مشر ملا اختر محمد منصور سره یوځای د امریکا د بې پېلوټه الوتکې په برید کې ووژل شو.

ټکسي چلوونکي محمد اعظم د مې په ۲۱ مه د ایران په پوله کې د تفتان له بندره ولي محمد (ملا منصور) کوټې ته بېوه چې د امریکا بې پېلوټه الوتکو د بلوچستان ایالت په نوشکي سیمه کې پرې برید وکړ. په برید کې د ټکسي چلوونکی او د طالبانو مشر وسوځېدل.

ملا اختر محمد منصور د ولي محمد په نوم پاکستاني شناختي کارد او پاسپورت جوړ کړي وو.

د محمد اعظم مشر ورور محمد قاسم په خپله عریضه کې ویلي چې امریکا د ده پر ورور د حملې مسوولیت منلی دی.

2د محمد قاسم په عریضه کې د کوم ځانګړي امریکايي چارواکي نوم نه دی یاد شوی خو ویل شوي چې ده په خپل شکایت کې امریکايي چارواکي د خپل ورور په وژلو تورن کړي دي.

محمد قاسم وايي چې د مې په ۲۱مه ورته څرګنده شوه چې ورور یې په ټکسي موټر کې له کومې پېښې سره مخامخ شوی دی. خو کله چې د پېښې ځای ته لاړ، ورته معلومه شوه چې ورور یې له یوې سپرلۍ سره سوځېدلي او د هغوی مړي کوټې ته وړل شوي دي.

ده په کوټه کې د خپل ورور د مړي له پېژندلو وروسته جنازه تفتان ته یووړه او هلته یې خاورو ته وسپارله.

محمد قاسم وايي چې ورور یې بې ګناه و او بېوزله یتیمان ورڅخه پاتې دي.

ده په خپله عریضه کې غوښتنه کړې چې د بې پېلوټه الوتکو په حملې کې مسوول امریکايي چارواکي دې د قانون منګولو ته وسپارل شي.

103 total views, 1 views today

1 comment

  1. نجیب الله علیزی Reply

    کاش ستا عریضه ومنل شی رشتیا هم ستا ورور هیس کناه ته درلودل

Leave a Reply

Your email address will not be published. Required fields are marked *