Categories

اعلان

Loading…

د ملي امنیت ریاست وايي، په کابل کې یې یوه انتحاري حمله ناکامه کړه

تاند- افغان امنیتي ځواکونو نن /شنبه/ یو مشکوک انتحاري، مخکې تر دې وواژه چې حمله وکړي.

د افغانستان د ملي امنیت ریاست وايي چې منسوبینو یې دغه انتحاري له پېژندلو او تعقیبولو وروسته د پلازمېنې په یوولسمه حوزه کې وویشت.

د ملي امنیت د ریاست په خبرپاڼه کې ویل شوي چې وژل شوی ترهګر د حقاني شبکې غړی و، انتحاري واسکټ او چاودېدونکي مواد ورسره موندل شوي او نوم یې عباس و.

د ملي امنیت ریاست ادعا کوي چې دغه انتحاري غوښتل چې د ښار په یوه له ګڼې ګوڼې ډکې سیمې کې ځان والوزوي خو د ملي امنیت د ځواکونو په وخت اقدام ښار له یوې خونړۍ حملې وساته.

وسله والو طالبانو تراوسه پوري په دې اړه څه نه دي ویلي.

وړمه ورځ /پنجشنبه/ یوې انتحاري حملې په پغمان کې د میدان وردک ملکي مامورین په نښه کړل چې د مامورینو او لارویانو په ګډون ۱۱ تنه پکې ووژل شول او ۱۰ نور ژوبل شول.

د پغمان د حملې مسوولیت طالبانو په غاړه واخیست.

80 total views, 1 views today

1 comment

  1. SAS Reply

    Long live ANSF.

Leave a Reply to SAS Cancel reply

Your email address will not be published. Required fields are marked *