Categories

اعلان

Loading…

سعودي عربستان تر ۴۰ کلونو کشرو افغانانو ته د حج لپاره وېزه نه ورکوي

تاند- سعودي عربستان پرېکړه کړې چې سږ کال به تر ۴۰ کلونو کشرو افغانانو ته د حج وېزه نه ورکوي.

د افغانستان د بهرنیو چارو وزارت د دې مسلې په اړه د سعودی عربستان سفیر د توضیحاتو لپاره وروباله.

د بهرنیو چارو وزارت ویندوی شکېب مستغني وايي چې په کابل کې د سعودي عربستان سفیر د خپل حکومت د دې پرېکړې په اړه کوم دلیل څرګند نه کړ.

خو ګومان کېږي چې سعودي عربستان دا پرېکړه د دې لپاره کړې وي چې ډېری افغان ځوانان د حج په نوم سعودي ته ځي او بیا د کار لپاره په سعودي عربستان کې پاتې کېږي. ځینو سرچینو ویلي چې ممکن سعودي عربستان اندېښنه ولري چې افغانان به د حج په پلمه د حوثیانو د ملاتړ لپاره یمن ته لاړ شي.

د بهرنیو چارو وزارت ویندوی وویل چې د دې موضوع د روښانولو لپاره یو پلاوی سعودي عربستان ته ځي.

سعودي عربستان تېر کال تر ۳۰ کلونو کشرانو ته د حج لپاره وېزه نه ورکوله.

91 total views, 2 views today

2 comments

  1. babrak Reply

    دا خو دیر ښه کار شوی:
    دتروریزم مخه نیول کیږي

  2. Faridoon Tahiri Reply

    Yaw bal qanon ka ham ezafa kre che makhke la de sakha che sok Haj ta sebtenam kawe warsakha pokhtana washe che zakat de warkarede.

Leave a Reply

Your email address will not be published. Required fields are marked *