Categories

اعلان

Loading…

طالبانو نوی مشر وټاکه او ۳ ورځې ماتم یې اعلان کړ

تاند- افغان طالبانو نن /چهارشنبه/ د خپل مشر اختر محمد منصور وژل کېدا تایید کړه او د هغه ځایناستی یې اعلان کړ.

د طالبانو له لوري رسنیو ته په استول شوې خبرپاڼه کې ویل شوي چې ملا هبت الله اخوندزاده د طالبانو نوی مشر غوره شوی دی.

د منصور د مرګ په اړه د قاري یوسف احمدي له لوري رسنیو ته په استول شوې خبرپاڼه کې راغلي«نوموړی د زمان او مکان له ټولو سختو او امتحاني شرایطو سره سره نه خو د نړیوال طاغوت مکررو غوښتنو او ګواښونو ته  تسلیم شو، نه یي د چا د تحمیلي او تزویري پروسو پیشنهادونه ومنل، نه له ګواښونو وویرید او نه یي هم داخلي او خارجي توطیو، دسیسو او فشارونو عزم متزلزل کړ.»

هبت الله د ملا منصور مرستیال و.

هیبت الله ته وروسته له دې د مشرۍ لاره هواره شوه چې پرون د ملا عمر زوی ملا یعقوب او د حقاني زوی سراج الدین حقاني له مشرتابه انکار وکړ.

ملا اختر منصور د بلوچستان نوشکي ته نژدې د امریکا د بې پېلوټه الوتکي په برید کې ووژل شو. ویل کېږي چې منصور او موټر چلوونکی یې دومره زیات سوځېدلي چې څېرې یې د پېژندلو نه دي

ملا اختر منصور د بلوچستان نوشکي ته نژدې د امریکا د بې پېلوټه الوتکي په برید کې ووژل شو. ویل کېږي چې منصور او موټر چلوونکی یې دومره زیات سوځېدلي چې څېرې یې د پېژندلو نه دي

د طالبانو د واکمنۍ د نهي عن المنکر د ادارې مشر مولوي قلم الدین د روانې اوونۍ په پیل کې اټکل کړی و چې د منصور ځای به ملا هبت الله ډک کړي. د ده په باور هبت الله ډېر سختدریځی نه دی«مولوي هبت الله معقول سړی دی، دیني علوم یې تدریس کړي، افراطي نه دی ځکه فکر کوم چې د سولې په اړه به منفي نظر ونه لري.»

ویل کېږي چې ممکن هبت الله د طالبانو سره وېشل شوې ډلې هم یوځای کړي. تېر کال د ده په هڅو ملا عبدالقیوم ذاکر، چې د منصور مشري یې نه منله، پخلا شو.

هبت الله د طالبانو په تحریک کې نوی او ځوان غړی نه دی بلکې د طالبانو یو پخوانی غړی دی او د عمر په لحاظ تر ملا عمر هم مشر دی.

هبت الله د کندهار اوسېدونکی او په خټه نورزی دی.

ده د طالبانو د عدلي چارو مشري هم کړې ده.

نوموړی د کوټې د شورا یو زیات فعال غړی ګڼل کېږي.

د طالبانو په خبرپاڼه کې ویل شوي چې هیبت الله به دوه مرستیالان ولري.

سراج الدین حقاني او د ملا عمر زوی ملا یعقوب د طالبانو د مشر مرستیالان ټاکل شوي دي.

امریکايي سرچینې وايي چې د طالبانو د جګړې اصلي قومانده اوس د سراج الدین حقاني په لاس کې ده چې په وزیرستان کې اوسي او له آی ایس آی سره نژدې دی.

طالبانو په خپله خبرپاڼه کې له مسلمانانو غوښتي چې د منصور د وژل کېدو په مناسبت ۳ ورځې ماتم وکړي.

د طالبانو ویندوی قاري یوسف احمدي رسنیو ته په لېږلې خبرپاڼه کې ویلي چې منصور د پاکستان د بلوچستان ایالت په نوشکي کې وژل شوی دی خو د افغانستان استخباراتو مخکې ویلي و چې منصور دالبندین ښارګوټې ته نژدې وژل شوی دی. دواړه سیمې په بلوچستان کې دي. دالبندین د ایران پولې ته نژدې دی.

پاکستاني رسنیو ویلي چې منصور له ایران څخه کوټې ته روان و چې د امریکا بې پېلوټه الوتکې وویشت.

پاکستاني رسنیو د ده د پاکستاني پاسپورت، په پاسپورت کې د ایران او اماراتو د وېزو عکسونه او همداراز د شناختي کارد عکسونه خپاره کړي دي.

له دغو عکسونو ښکاري چې منصور په ځلونو د کراچۍ او کوټې له هوايي ډګرونو دوبۍ او ایران ته سفرونه کړي او لږترلږه دوه ځلي د مځکې له لارې ایران ته تللی دی. خو د طالبانو ویندوی په خپله خبرپاڼه کې منصور ته منسوب پاسپورټ او شناختي کارد تایید یا رد کړی نه دی.

172 total views, 1 views today

Leave a Reply

Your email address will not be published. Required fields are marked *

۸

د خپلواکۍ 100 کالیزه Independence

د اسد د ٢٨مې جشن کمرنګه دى

 نن د اسد اته ویشتمه د بریتانیا د وخت له امپراطورۍ څخه  د افغانستان د خپلواکۍ د بیرته لاسته راوړلو…

د اسد د ٢٨مې جشن کمرنګه دى

19 Aug 2013 خبرونه خپلواکي Taand.Com Comments (4)

نور

د اسد د میاشتی ۲۸ د افغانستان د آزادی ورځ/…

نن د چهار شنبی ورځ د اسد د میاشتی ۲۸ نیټه ذه. دا هغه ورځ ده چې ۹۶ کاله پخوا په…

د اسد د میاشتی ۲۸ د افغانستان د آزادی ورځ/ محمد اجمل زرمتی

19 Aug 2015 خپلواکي مقالې تاند No comments

نور

خپلواکي/ ليکوال : محب الله آرمل

د زمري اته ويشتمه د افغانستان د خپلواکۍ ورځ ده، له نن نه ۹۶ کاله وړاندې په ۱۲۹۸ لمريز کال…

خپلواکي/ ليکوال : محب الله آرمل

19 Aug 2015 خپلواکي مقالې تاند No comments

نور

د اسد (۲۸) مه د افغانانو د ازادۍ ورځ

استاد لطيف الله حميد - ((د اسد پر (۲۶)مه نېټه د شپې پر اتو بجو د ژوندون ټلوېزيون په انګړ کې…

د اسد (۲۸) مه د افغانانو د ازادۍ ورځ

19 Aug 2015 خپلواکي مقالې تاند No comments

نور

افغانستان ولمانځو که خپلواکي؟ د اکمل داوي

 دا اوونۍ ګڼو افغانانو له انګریز ښکیلاک نه د افغانستان د خپلواکۍ د اعلان ۹۶ کلیزه په خورا شور ونمانځله.…

افغانستان ولمانځو که خپلواکي؟ د اکمل داوي

20 Aug 2015 خپلواکي مقالې تاند No comments

نور

موږ او خپلواکي/څېړنوال عبدالغفور لېوال

له شاه زمانه تر دې زمانه، موږ نه خپلواک وو او نه بشپړ ښکېل. له شاه زمانه تر دې زمانه، موږ…

موږ او خپلواکي/څېړنوال عبدالغفور لېوال

24 Aug 2016 خپلواکي مقالې تاند No comments

نور

خپلواکي څه ده؟/څېړنوال عبدالغفور لېوال

خپلواکي له کلي مفهومه تر جزیاتو لږ ترلږه دغه څلور معادل مفاهیم په انګریزۍ کې شته : استقلال ، خود ارادیت ،…

خپلواکي څه ده؟/څېړنوال عبدالغفور لېوال

26 Aug 2016 بدلون خپلواکي تاند Comments (2)

نور

شاه غازي امان الله خان او د افغانستان خپلواکي | ګل…

امان الله خان په ۱۸۹۲ م كال د کابل په پغمان كې زېږېدلى، د امیر حبیب الله خان زوی، د امیر…

شاه غازي امان الله خان او د افغانستان خپلواکي | ګل محمد پښتون

18 Aug 2017 خپلواکي مقالې تاند Comments (2)

نور
  • 1
  • 2