Categories

اعلان

Loading…

ټیلګراف: القاعده شبکې خپل مرکزونه بیا په افغانستان کې فعال کړي

تاند- د بریتانیا ټیلګراف ورځپاڼه وايي چې القاعده شبکې د افغانستان په جنوب کې تروریستي مرکز بیا پرانیستی او له هغه څخه په لوېدیځ کې د حملو د پلان جوړولو لپاره کار اخلي.

ورځپاڼه وايي، القاعده د پاکستان په قبایلي سیمو کې له څه باندې یوې لسیزې وروسته په ۲۰۱۴ م کال له افغانستانه د نړیوالو ځواکونو په وتلو پسې خپل تروریستي مرکزونه بېرته د افغانستان جنوب ته لېږدولي دي.

ټیلګراف ورځپاڼه وايي، اوس افغان امنیتي چارواکي وايي چې د القاعده مشران هیله لري چې په افغانستان کې له خپلو مرکزونو څخه به په لوېدیځ کې د حملو د پلان جوړولو لپاره کار واخلي.

د افغانستان یوه جګپوړي دفاعي چارواکي وویل:«القاعده له افغانستانه د لوېدیځو پوځیانو له وتلو وروسته له رامنځته شوې تشې څخه په استفادې د افغانستان په جنوب کې مرکزونه جوړ کړي. دوی بېرته راغلي او اراده به لري چې له دغو اډو څخه بیا پر لوېدیځو هدفونو د حملو لپاره کار واخلي.»

افغان امنیتي ځواکونه وايي چې د القاعده تروریستي ډلې د ترور مرکزونه د کندهار ښار په شاوخوا کې هم فعال دي.

321 total views, no views today

Leave a Reply

Your email address will not be published. Required fields are marked *

۸